Mistoqsijiet għall-Eżamijiet fil-Livell Avvanzat u Intermedju
 

Ineż Farruġ ta’ Anton Manwel Caruana

Il-Ġaħan ta' Binġemma ta' Francis Ebejer - Livell Avvanzat

 

Il-Poeżija Romantika u Moderna - Livell Intermedju

Taħt Tliet Saltniet ta' Ġużè Aquilina

Il-Ġaħan ta' Binġemma ta' Francis Ebejer - Livell Intermedju
 

Ineż Farruġ ta’ Anton Manwel Caruana 

  1. Kemm nistgħu ngħidu li Ineż Farruġ huwa rumanz storiku romantiku? X’inhuma l-karatteristiċi ewlenin ta’ dan it-tip ta’ rumanz u kif jidhru f’dan ir-rumanz? [AG]

  2. “Id-dehra kumplessiva ta’ Ineż,” jikteb Oliver Friggieri, “hi tal-qaddisa silenzjuża li tilqa’ l-fatti għaliex mhux biss m’għandhiex il-qlubija meħtieġa iżda lanqas il-mezzi. Ir-rassenzjazzjoni tagħha hija r-rassenzjazzjoni tal-grupp.” Taqbel ma’ Friggieri fuq dan il-punt? Kemm nistgħu ngħidu li Ineż hija metafora ta’ Malta? Kulħadd jirrassenja ruħu fost il-“grupp” tal-Maltin? [AG]

  3. Skond Oliver Friggieri, fir-rumanz Ineż Farruġ hemm żewġ plots: is-serqa ta’ tfajla u l-isfruttament ta’ Malta. Ir-rumanz għaliex din l-istruttura u x’inhuma r-rabtiet bejn iż-żewġ plots? [AG]

  4. Ix-xiħ Farruġ u Wenzu f’Ineż Farruġ ta’ Anton Manwel Caruana jippreżentaw l-argument ta’ kontra l-barrani. Fisser kif dawn iż-żewġ karattri juru l-inġustizzja tal-ħakma barranija, xejra ewlenija tar-rumanz. [Matsec, Mejju 2002]

  5. Fil-karattru ta’ Ineż, kif ippreżentat f’Ineż Farruġ, l-awtur juri li hemm sens ta’ ħela. Iddiskuti din it-tema fir-rumanz. [Matsec, Mejju 2002]

  6. Id-determinazzjoni u l-irġulija fir-rumanz Ineż Farruġ ta’ Anton Manwel Caruana. Iddiskuti. [Matsec, Settembru 2002]

  7. Uri kemm kienet diffiċli l-ħajja soċjali fi żmien il-ġrajja ta’ Ineż Farruġ. [Matsec, Settembru 2002]

  

 
Il-Poeżija Romantika u Moderna - Livell Intermedju  

  1. Kull poeta jingħaraf fid-dawl tal-ferħ u tan-niket tiegħu, imfissra bil-kliem. Ikkummenta dwar dan b’rabta mal-poeti li studjajt, u agħti eżempji. [Matsec, Mejju 2001]

  2. Iddiskuti l-qofol tal-persunalità ta’ xi poeti li studjajt, u saħħaħ il-fehmiet tiegħek b’eżempji. [Matsec, Mejju 2001]

  3. In-natura fil-lirika tal-poeti Maltin. Iddiskuti b’rabta mal-poeti li studjajt. [Matsec, Mejju 2000]

  4. Il-kuxjenza tal-bniedem titfaċċa fil-poeżija. Ikkummenta b’rabta sħiħa ma’ dak li studjajt. [Matsec, Mejju 2000]
 

Il-Ġaħan ta' Binġemma - Livell Intermedju 

  1. Taqbel li fid-dramm Il-Ġaħan ta' Binġemma naraw tiżvolġi waħda mit-temi rikorrenti ta' Francis Ebejer, jiġifieri li l-passat u l-preżent huma marbutin flimkien, huma l-kawża u l-effett, u li ma tistax tifhem il-preżent jekk mhux fid-dawl tal-passat? [Matsec, Mejju 2004]

  2. Fid-dramm Il-Ġaħan ta' Binġemma, Francis Ebejer "jirnexxilu jidħol fil-qalb tal-ġrajjiet u jifli sewwa t-tradizzjoni, ir-Reliġjon u l-Kultura waqt li jgħaqqad dna kollu taħt il-maġija sublimi ta' Ġaħan - is-suppost baħnan li m'hu baħnan xejn, imma l-iktar wieħed 'għaref.'" Xi tgħid dwar dan il-kummenti ta' Doreen Micallef dwar id-dramm Il-Ġaħan ta' Binġemma? [Matsec, Mejju 2004]

  3. X'inhi l-funzjoni ta' Ġaħan fid-dramm ta' Francis Ebejer Il-Ġaħan ta' Binġemma? [Matsec, Mejju 2002]

  4. Fisser il-karattru ta' Richard fid-dramm Il-Ġaħan ta' Binġemma? [Matsec, Mejju 2002]

  5. Xi jfisser il-"bieb" għal Ġaħan fid-dramm Il-Ġaħan ta' Binġemma? [Matsec, Settembru 2002]

  6. Fisser il-karattru ta' Selima fid-dramm ta' Francis Ebejer Il-Ġaħan ta' Binġemma. [Matsec, Settembru 2002]

  

Il-Ġaħan ta' Binġemma - Livell Avvanzat

  1. Iddiskuti r-relazzjoni li hemm bejn Selima u Richard fid-dramm Il-Ġaħan ta' Binġemma. [Matsec, Mejju 2004]

  2. Ġaħan: Jewwilla taħsbu li Ġaħan Malti, Ġaħan għaref u brikkun Malti, l-idjota predilett nazzjonali u qrib sew lejn id-divin, sejjer joqgħod jalqa' l-bibien mill-ħajt, hekk, għalxejn b'xejn? (Att I)

X'importanza għandha din is-silta fid-dramm ta' Francis Ebejer Il-Ġaħan ta' Binġemma? [Matsec, Mejju 2004]

  1. Tarik: Fittxejtek. Fl-għerien tagħna ma lmaħtekx.

    Selima: Taf sew int li hawn fuq jgħaxxaqni qatigħ, Tarik.

    Tarik: Għalhekk biss, Selima, għidli? Titlaq bla ma tlissinli xejn.

    (Francis Ebejer, Il-Ġaħan ta' Binġemma, Att II)

    Fil-kuntest ta' din is-silta stħarreġ is-sehem ta' Selima fid-dramm. [Matsec, Mejju 2002]

  2. Fil-bidu tat-Tieni Att tad-dramm Il-Ġaħan ta' Binġemma, Ġaħan jirrifjuta li jkun "nofs ta' Ġaħan biss. Mhux biċċa ta' idjota predilett, iżda predilett sħiħ." X'inhi l-funzjoni ta' dan il-karattru? [Matsec, Mejju 2002]

  3. Ġaħan: Mela x'għedna? Richard hu ta' żmienu - is-seklu tat-tinġis. U Selima hi ta' żmienha - is-seklu ta' l-għaks il-kbir, tinġis ieħor. U bejniethom it-tnejn, minn tarf għall-ieħor, x'serbut twil ta' antenati, ġejjin u sejrin minn ġol-mina taż-żmien, O Ġaħan romantiku!

    Xi jrid jgħid b'dan il-kliem Ġaħan fid-dramm ta' Francis Ebejer Il-Ġaħan ta' Binġemma? [Matsec, Settembru 2002]

  4. Id-dramm ta' Francis Ebejer Il-Ġaħan ta' Binġemma juri t-twelid ġdid ta' valuri. Iddiskuti. [Matsec, Settembru 2002]