Arkivji
   
 
 
 
 
 

  • Pubblikazzjonijiet marbutin mal-Letteratura:  2005 - 2006 - 2007 - 2008
 
   
 

Avvenimenti Importanti fl-2008
 

bl-għajnuna ta' Joseph Borg
   
 

  • Jum Dinji dwar it-Tibdil tal-Klima. Is-Sibt, 6 ta' Diċembru 2008. Immanuel Mifsud se jaqra poeżiji tiegħu u ta' Adrian Grima mill-ktieb tagħhom Riħ min-Nofsinhar (Edizzjoni Skarta 2008 - www.skarta.org), waqt attività organizzata minn Friends of the Earth Malta għall-Jum Dinji dwar it-Tibdil tal-Klima mill-5.00pm sat-8.30pm fil-Pjazza tal-Palazz (Pjazza San Ġorġ), Il-Belt Valletta. Barra minn hekk, Vince Fabri se jdoqq kanzunetti dwar it-tibdil fil-klima u se jkanta waħda mill-poeżiji ta' Immanuel Mifsud mill-ktieb Riħ min-Nofsinhar u l-pubbliku se jkun mistieden ikanta miegħu. Dakinhar tal-attivitajiet Friends of the Earth Malta se tippreżenta l-pożizzjoni tagħha dwar it-tibdil fil-klima waqt konferenza stampa li se ssir fil-5.00pm. Matul il-lejla se jintwerew ukoll films qosra maħruġin minn gruppi Ewropej tal-Friends of the Earth. Dawk li jattendu jistgħu wkoll jiffirmaw petizzjoni biex nitolbu għal liġi tal-klima għal Malta. Għal aktar informazzjoni iktbu lil info@foemalta.org.

  • Nhar il-Ħamis, il-11 ta’ Diċembru 2008, fis-7.00 p.m. fis-Sala E taċ-Ċentru tal-Konferenzi M. A. Vassalli tal-Università ta’ Malta, l-Imsida, Dr Joe Zammit Ciantar BA, MA, Ph.D. se jitkellem dwar Il-Prietki bil-Malti ta’ Ignazio Saverio Mifsud (1739-1746). Din it-taħdita qed tiġi organizzata mill-Università ta’ Malta fis-sensiela tal-Konferenza Ġużè Galea
    mwaqqfa mill-Prof. Ġużè Galea M.B.E., M.D., D.P.H.

  • Il-kummiedja Minn Wara ż-Żipp ta' Trevor Zahra se tittella' fis-Sala Temi Zammit tal-Università ta' Malta nhar it-28, 29, u 30 ta' Novembru, 2008 fis-19:30. Biex tibbukkja:
    2122 3216, 2122 3200 jew boxoffice@sjcav.org

  • Qari mill-kittieb Irlandiż Damian Gorman fit-teatru tal-Kavallier ta' San Ġakbu nhar l-Erbgħa, 26 ta' Novembru, 2008, fit-8.00pm. Organizzat minn Inizjamed u l-Kavallier ta' San Ġakbu.

  • Tnedija tal-awtobijografija ta' Oliver Friggieri, Fjuri Li Qatt Ma Jinxfu (KKM), fil-Palazz tal-President tar-Repubblika, nhar l-Erbgħa, 26 ta' Novembru, 2008, fis-6.30pm.

  • Ara d-Dettalji kollha dwar il-Fiera Nazzjonali tal-Ktieb 2008.

  • Pubblikazzjonijiet Indipendenza tixtieq tistiednek għat-tnedija ta' sensiela ġdida, Kullana tal-Klassiċi, nhar il-Ġimgħa, 21 ta' Novembru 2008 fis-7:00pm fis-Sala Robert Samut, il-Furjana

  • L-24 edizzjoni tal-Fiera Nazzjonali tal-Ktieb 2008: mill-Erbgħa 12 sal-Ħadd 16 ta' Novembru, f'Dar il-Mediterran, il-Belt Valletta. Organizzata mill-Kunsill Nazzjonali tal-Ktieb flimkien mad-Dipartiment tal-Libreriji. Dħul b'xejn. Trasport mill-venda ta’ Putirjal, nru. 98. www.ktieb.org.mt. Ġranet u ħinijiet tal-ftuħ:

L-Erbgħa 12 u l-Ħamis 13 ta’ Novembru
9.00 a.m. – 1.30 p.m / 5.00 p.m. – 9.00 p.m.
Il-Ġimgħa 14 ta’ Novembru
9.00 a.m. – 1.30 p.m. / 5.00 p.m. – 10.00 p.m.
Is-Sibt 15 ta’ Novembru
9.00 a.m. – 12.30 p.m. / 4.00 p.m. – 10.00 p.m.
Il-Ħadd 16 ta’ Novembru
10.00 a.m. – 12.30 p.m. / 3.00 p.m. – 9.00 p.m.

  • Nhar is-Sibt, 15 ta' Novembru, fis-6.30pm, fil-Fiera Nazzjonali tal-Ktieb, Dar il-Mediterran, il-Belt Valletta, se ssir it-tnedija tal-ktieb ta' poeżiji Riħ min-Nofsinhar - it-tibdil fil-klima skont Immanuel Mifsud u Adrian Grima. L-interventi dwar il-ktieb waqt it-tnedija se jsiru mill-Ministru George Pullicino, mill-Onor. Leo Brincat u mill-Perit Carmel Cacopardo. Interventi oħrajn minn Siem Gabir, Mario Cardona u Annalise Falzon. Tmexxi Anna Zammit. Il-ktieb fih kummenti ta' Joseph Sciberras u Joe Galea (bdiewa mill-Koperattiva Rurali Manikata), Mario Cardona (kittieb u edukatur), Annalise Falzon (ambjentalista), Kurt Sansone (editur tal-gazzetta Illum), Ralph Cassar (politiku), Nathalie Grima (mill-Koperattiva Kummerċ Ġust), Christine Borg (mill-Malta Breastfeeding Foundation), u Angele Deguara (soċjologa). Pubblikazzjoni ta' Edizzjoni SKARTA - www.skarta.org - Distribuzzjoni: Sierra Book Distributors - www.sierra-books.com

  • Id-diskors ta' Dr. Adrian Grima fil-Fiera Nazzjonali tal-Ktieb ġie ppubblikat minn Edizzjoni Skarta. Il-ktieb, Ħożż fl-Ilma - il-kotba, il-qari u l-baħar, li fih 48 faċċata u disinn tal-qoxra tal-artist Pierre Portelli, jinkiseb mingħand Adrian Grima (adrian@maltaforum.org).

  • Ramon u ż-Żerbinotti, rumanz ġdid ta' Ġużè Stagno (Merlin Library). Tnedija s-Sibt 8 ta' Novembru fil-bar tal-Hamrun Liberty. Kulħadd mistieden.

  • L-Erbgħa 12 ta' Novembru, Dar il-Mediterran, il-Belt Valletta, fis-7pm, waqt il-Fiera Nazzjonali tal-Ktieb 2008. Il-Kunsill Nazzjonali tal-Ktieb jistiednek għal taħdita minn Dr. Adrian Grima bl-isem ta' "Ħożż fl-Ilma. Il-Kitba, il-Kotba u l-Baħar." Jintwerew ukoll interventi ffilmjati apposta ta' Aðalsteinn Ásberg Sigurðsson, kittieb u pubblikatur mill-Iżlanda, Alexandra Büchler, direttriċi ta’ Literature Across Frontiers, u Hassan el Ouazzani mid-Dipartiment għall-Promozzjoni tal-Kotba fil-Marokk. Kulħadd mistieden.

  • Ħareġ ir-rumanz kontroversjali Xandru miżżewweġ u Gay mill-pinna tal-psewdonomu Javier Vella Sammut. Dan ir-rumanz li fl-ewwel ġimgha tiegħu diġà biegħ 'il fuq minn 500 kopja, iwasslilna l-ġrajja drammatika li jgħixu fiha individwi li jsibu rwieħhom f'dilemma ta' għazliet li jieħdu f'ħajjithom skond l-identità sesswali tagħhom. Il-karattru
    prinċipali, iżjed milli Xandru nnifsu, hija martu Gizelle. Dan huwa rumanz li jiddibatti
    b'konvinzjoni l-linja li tieħu l-Knisja, jew ahjar xi saċerdoti fundamentalisti dwar din it-tema u jixlihom b'kompliċità għal għażliet ħżiena li jasal biex jieħu l-individwu. Ir-rumanz jibda bi sfond tal-qagħda politika mqallba f'Malta tas-snin tmenin. It-tema tal-omosesswalità qatt ghadha ma ġiet trattata b'mod daqstant intimu u intensiv fil-letteratura Maltija.
    Twissija 1: Dan ir-rumanz fih espożizzjoni espliċita ta' erotiżmu! Twissija 2 : Dan ir-rumanz jista' jbikkik!

  • Klabb Kotba Maltin, se jippubblika xogħol ġdid ta' Immanuel Mifsud: ġabra ta' novelli li jisimha Stejjer Li Ma Kellhomx Jinkitbu. Wara tliet snin Immanuel Mifsud jerġa' jitfaċċa b'ġabra oħra ta' stejjer: punġenti, qawwija u lesti biex jiskomodaw. It-tnedija ta' dan il-ktieb se ssir il-Ħamis 20 ta' Novembru 2008, f'Bieb is-Sultan, fit-tarf tal-Kottonera, fis-7.30pm.

  • Il-Klabb Kotba Maltin għadu kemm ippubblika rumanz, Kien Kwinta l-Qamar (li ħareġ l-ewwel darba fl-1974) u ġabra żewġ ġabriet ta' novelli, u Bellus u Bizzilla (2008), ta' Lina Brockdorff.

  • L-Għaqda tal-Malti - Università għadha kemm ippubblikat il-31 ħarġa tar-rivista Leħen il-Malti. (ISSN: 2070-5093). Editur Joseph P. Borg.

  • Il-Princep u t-Trogloditi, ktieb ġdid ta’ Charles Casha għal tfal bejn 9 u 12-il sena. Permezz tal-mappa li hemm f'dan il-ktieb, il-qarrej jista' jsegwi l-avventura li sseħħ fi tliet pajjiżi maħluqa mill-awtur. Dawn huma Omerin, Karaman u Basarin. Il-ġrajja tiġri minn belt għall-oħra, minn raħal għal ieħor sakemm jasal it-tmiem mhux mistenni fejn il-qarrej jidħol permezz tal-fantasija f'dinja taħt l-art fejn kienu jgħixu t-Trogloditi. charles.casha@gmail.com -  www.charlescasha.com

  • Vapuri tal-Karti, ktieb ġdid ta’ Charles Casha għal tfal bejn 9 u 12-il sena (Uptrend Publishing 2008). Għaxar stejjer b'temi varjati. Fost dawn hemm il-biża' ta' l-omm li uliedha jitilqu mid-dar u ma tarahomx aktar, tifel li qatt ma kellu fiduċja fih innifsu u kulħadd kien jemmen li ma kien tajjeb għalxejn u tifel li ma kienx jista' jimxi u jsib ruħu fuq pjaneta oħra. Il-fantasija ma tonqosx f'xi wħud mill-istejjer u dan jagħmel l-istejjer aktar interessanti. L-illustrazzjonijiet huma ta' Mark Casha. www.charlescasha.com

  • Xi Rrid huwa ktieb ġdid għal żgħażagħ minn 13-il sena 'l fuq ta' Natasha Turner. Għal aktar tagħrif ikkuntattja lil Sierra Book Distributors fuq 2137 8576 / 2737 8576 jew sales@sierra-books.com.  Natasha Turner se tkun il-Fiera Nazzjonali tal-Ktieb fil-15 ta' Novembru biex tiffirma l-kotba.

  • Nhar l-Erbgħa, 5 ta’ Novembru 2008, fis-7.30pm, fil-Knisja ta’ San Duminku, ir-Rabat, se ssir ċelebrazzjoni f’għeluq l-erbgħin sena mix-xandir tas-sejba tal-Cantilena organizzata mill-Akkademja tal-Malti. Il-programm jinkludi l-qari tal-poeżija bil-Malti medjevali minn Dr Martin Zammit, id-daqq ta’ melodiji medjevali mill-Ġukulari Ensemble, u taħdita fuq il-Kantilena minn Semitista, il-Prof. Alexander Borg, li jgħallem l-Università tan-Negev fl-Iżrael. Fi kliem il-Prof. Borg, il-Kantilena toffri tagħrif lingwistiku ġdid allavolja dehru għadd ta’ studji interessanti mill-1966 ’il hawn. Erbgħin sena ilu żewġ riċerkaturi li kienu għadhom mhux magħrufa, Patri Mikiel Fsadni u Godfrey Wettinger, ħabbru li kienu sabu poeżija miktuba bil-Malti medjevali. Din il-poeżija, li fis-sew hija għanja, inkitbet għall-ħabta tal-1450 u waslitilna kopja tagħha bis-saħħa ta’ Brandanu Caxaru f’dokument tal-1530. Dan it-tagħrif u bosta tagħrif ieħor wassluhulna Wettinger u Fsadni fi ktieb li huma ħarġu fl-1966. Il-lejla tal-Kantilena f’għeluq l-40 sena mis-sejba tagħha hija patroċinata mill-President ta’ Malta. Tagħrif ieħor fuq il-Kantilena jinsab fis-sit tal-Akkademja tal-Malti. www.akkademjatalmalti.com

  • Nhar is-Sibt, l-1 ta' Novembru, Lisa Falzon se tniedi r-rumanz tagħha għal tfal minn 12-il sena 'l fuq bl-isem ta' Xi Mkien Ieħor ippubblikat mill-Merlin Library. It-tnedija se ssir fil-bitħa tat-Teatru Manoel, il-Belt Valletta. Lisa Falzon se turi wkoll xi pittura ġdida u Spooky Monkey se jdoqqu mużika ispirata mill-istorja. Din it-tnedija hija maħsuba wkoll għat-tfal. Hija storja dwar tifla u tifel li jeqirdu d-dinja tagħhom biex jibdew vjaġġ fl-univers, f'fanal, biex jippruvaw isibu dinja oħra. Stanley Borg kiteb dwar ir-rumanz hawnhekk (The Times, Weekender): http://www.lisafalzon.com/newsimages/Weekender11_10_08.jpg. U Erika Brincat intervistat lill-kittieba fil-magażin First ta' The Malta Independent on Sunday:
    http://www.lisafalzon.com/newsimages/first_pg1.jpg
    http://www.lisafalzon.com/newsimages/First_Magazine_19_10_2008Pg2.jpg. Ara wkoll www.lisafalzon.com.

  • Jiġu mas-Sebħ, 17 ta' Ottubru 2008, 20:00, Foyer Européen, Rue Heine, Luxembourg Ville. Lejla ta' mużika u letteratura f'ġieħ Albert u Jane Marshall, radd ta' ħajr għal kulma kkontribwew matul ħajjithom mhux biss għat-telexivin u l-letteratura, iżda għall-kultura Maltija f'sens wiesa'. Bis-sehem ta' erba' kittieba mistednin minn barra l-Lussemburgu. Albert Marshall jidderieġi siltiet mid-dramm 4.48 Psychosis ta' Sarah Kane, bis-sehem tal-atturi Sephora Gauci, Silvana Izzo Clarke, Jane Marshall u Mark Vella. Stage manager: Reno Saliba. Novelli ta' Pierre J. Mejlak, Immanuel Mifsud u Alex Vella Gera. Poeżija ta' Norbert Bugeja, Antoine Cassar, Claudia Gauci, Kevin Saliba u Joseph Spiteri. Mużika ta' Carmen Borg, Joseph Debono (pjanu) u Roberta Spiteri (flawt). Jaqraw ukoll John Degiorgio, Tony Gaffiero, Mark Vella u Anna Zammit. It-titlu "Jiġu mas-sebħ" meħud milll-ewwel vers tal-poeżija "Misteru Buffu" ta' Albert Marshall.
    Illustrazzjoni ta' Maurice Tanti Burlò (mill-ktieb Diaspora). Albert u Jane Marshall jirritornaw Malta f'Novembru 2008.

  • Le Sud de l'âme. Poésie de la Méditerranée. Jeudi 16 octobre 2008, 20h30. Galerie Simoncini, 6 rue Notre Dame, Luxembourg-Ville. La Fondation René Seydoux et l'association culturelle maltaise Inizjamed vous invitent à la soirée de poésie Le Sud de l'âme, une exploration à travers la parole de l'expérience de plusieurs écrivains de la Méditerranée qui, pour une raison ou pour une autre, se sont trouvés dans des pays situés plus au nord. La soirée rassemblera six poètes d'origine méditerranéenne qui sondent dans leur ouvre la condition, pas nécessairement positive ou negative, de se trouver à cheval entre les mémoires d'un sud maritime et une existence qui avec le temps semblerait devenir «de moins en moins méridionale». Venez écouter les cadences de la poésie en français, en italien, en maltais, en slovène, et même multilingue. Avec la participation de Jean Portante (Luxembourg/Italie); Immanuel Mifsud (Malte); Vera Pejovič (Slovénie); Norbert Bugeja (Malte); Serge Basso (France/Italie); Antoine Cassar (Malte/Angleterre). Entrée libre.

  • Il-Ħamis, 2 ta’ Ottubru, 2008. Il-ħin: 7.00p.m. L-Għaqda Poeti Maltin qed tistiednek għal Lejla ta’ Poeżija oħra. Din id-darba l-post fejn se niltaqgħu se jkun ir-Razzett tal-Markiż Mallia Tabone, Lily of the Valley, il-Mosta (wara r-Rotunda). Se jkollok l-okkażjoni li tiltaqa’ mal-poeta u pittur Ingliż Stephen Morris u anki ħin biex taqra l-poeżiji tiegħek b’ilsna differenti. Ġib miegħek il-poeżiji tiegħek, familjari, ħbieb u kull min huwa interessat. (Patrick Sammut, vici-President Għaqda Poeti Maltin)

  • Poeżijaplus u Heritage Malta ser jippreżentaw 'Aspetti tal-Kultura tal-Kelma fi Żmienna'. Kors mill-Profs Oliver Friggieri fis-6, 13, 20, 27 ta’ Ottubru, 2008, mis-7.00pm sat-8.15 p.m. Fil-Mużew tal-Arti, il-Belt Valletta: 1. 'Il-Politika u d-Dinja tal-Kitba' - 2. 'L-Awtur f'Socjetà Post-Letterarja' - 3. 'It-Tema Ewlenija fil-Ħsieb Miktub ta' Żmienna' - 4. 'Arti Waħda, Forom Ħafna, imma Għaliex?' Reġistrazzjoni mingħajr ħlas: sergiogrech@yahoo.com

  • It-tielet dramm oriġinali ta' Theatrencore, Enfer ou Ciel - Ġenna jew Infern, se jittella' waqt il-festival tan-Notte Bianca/Lejl Imdawwal fl-4 ta' Ottubru, b'rappreżentazzjoni oħra l-għada l-5 ta' Ottubru fis-Sala tal-Mużika tal-Kavallier ta' San Ġakbu. Dan se jkun id-debutt ta' Karmenu Serracino bħala drammaturgu u bħala direttur. Enfer ou Ciel - Ġenna jew Infern huwa bbażat fuq il-ħajja tal-fotografu Franċiż Henri Cartier Bresson li twieled mitt sena ilu din is-sena. Jieħdu sehem: Henri Cartier-Bresson - Chris Buttigieg; Andre Lhote - Tyrone Grima; Rene Crevel - Keith Borg; Gretchen Powel - Sarah Lee Zammit; Doua - Tamara Micallef; Lejaune - Mark Schembri.

  • It-tnedija tal-ktieb il-ġdid ta' Reuben Gauci, Il-Belt ta' Fuq il-Qamar, sa ssir fit-22 ta' Ottubru, 2008, fis-7:30 ta' filghaxija, fiċ-Ċentru Kulturali Russu, 36, Triq il-Merkanti, l-Belt Valletta. Kulħadd mistieden.

  • Storie: il-kitbiet momentisti tradotti għat-Taljan u l-Ingliz ta' sbatax-il kittieb u kittieba Maltin għadhom kemm ixxandru fil-ħarġa nru. 62/63 tar-rivista letterarja bilingwi Storie. Il-kittieba Maltin, li fil-fatt mhumiex kollha awturi, huma:  Ten Minutes Malta ħadet ħsiebha l-antropologa Taljana Virginia Monteforte.

  • It-tielet edizzjoni tal-Festival Mediterranju tal-Letteratura ta' Malta. Il-Ħamis 11, il-Ġimgħa 12 u s-Sibt 13 ta' Settembru, Couvre Porte, il-Birgu, 8.00pm. Dħul b'xejn. L-uniku Festival Internazzjonali tal-Letteratura li jsir f’Malta. Jieħdu sehem għaxar kittieba minn seba' pajjiżi. Il-Ħamis, 11 ta' Settembru se jaqraw Claudia Gauci, Suzan Sahori (mill-Palestina) u Christos Chryssopoulos (mill-Greċja). Se jintwera wkoll film qasir bl-isem ta’ Ħalib ix-Xitan (Hell's Despite). Il-Ġimgħa, 12 ta' Settembru se jaqraw Caldon Mercieca, Polona Glavan (mis-Slovenja), Simone Inguanez u Aðalsteinn Ásberg Sigurðsson (poeta u kantawtur mill-Iżlanda). Walid Nabhan se jagħmel omaġġ lil Mahmoud Darwish. Is-Sibt, 13 ta' Settembru se jaqraw Karl Schembri, Paola Turroni (mill-Italja), Hassan El Ouazzani (mill-Marokk) u se jkun hemm ukoll il-grupp Malti Zizza Ensemble li jdoqq mużika funk. Hemm it-tagħrif kollu fuq www.inizjamed.org. 

  • Il-Manifest tal-Killer - Produzzjoni tal-kumpanija teatrali Lemonhead Production fit-Teatru ta' l-MITP Triq San Kristofru, Valletta nhar l-4, 5, 11 u 12 ta' Ottubru. Xogħol ibbażat fuq ir-rumanz ta' Karl Schembri.

  • It-33 Edizzjoni tal-Festival L-GĦANJA TAL-POPLU se ssir nhar is-26 ta' Novembru 2008 fil-Ballroom tal-Lukanda Phoenicia. Biex tissottometti kanzunetta għal din l-edizzjoni, ma’ kull CD trid tibgħat €10. Is-cd u l-flus iridu jaslu l-YTC , 227 Triq il-Merkanti l-Belt, nhar l-Erbgħa 15 ta’ Ottubru mis-7.00 pm sad-9.00 pm jew il-Ġimgħa 17 ta’ Ottubru, mis-7.00pm sad-9.00pm. Ara t-tagħrif kollu fuq www.ghanjafest.com

  • Writers on literary journey to meet locals. International writers aboard the sailing boat Adriatica are hoping to meet with the public as part of the 'Ports of the Mediterranean' project at the Italian Cultural Institute in St George's Square, Valletta, on Tuesday, 9th September 2008. The 'men of Adriatica' are keen to meet locals, writers, artists in order to get to know the life, society and culture of Malta, and will then recount their experiences during the voyage. The evening, which starts off at 7 p.m., is dedicated not only to lovers of the sea and sailing but also to those who see the sea as a communication tool among people and diverse cultures. Italian and foreign writers are on the boat to review the many identities and beauties of the Mediterranean sea. Together for the first time, Adriatica and Giudizio Universale will narrate the history of the Mediterranean sea, its cities, harbours and cultures with the help of the writers on board. This is part of the literary journey organised by the magazine Giudizio Universale and Adriatica, the boat of the TV show Velisti per Caso (Accidental Sailors). The boat left Ercolano on August 29 and will reach its final destination in Geneva on October 3. It will have travelled 3,000 miles, made nine stops in nine cities, opening nine 'doors' on cultures, languages and people. The writers travelling on board are Björn Larsson, Alicia Giménez-Bartlett, Roberto Alajmo, Fawzi Mellah, Flavio Soriga, Roselina Salemi, Andrej Longo, Massimo Carlotto and Simone Perotti. www.giudiziouniversale.it

  • Id-dramm il-ġdid ta' Alfred Buttigieg, Ippermettuli Nitlaq, se jsir fit-teatru tal-Kavallier ta' San Ġakbu fit-3, 4, 5,10, 11, 12 ta' Ottubru 2008 fit-8pm. Direzzjoni ta' Immanuel Mifsud. Jieħdu sehem Sharon Bezzina, Angele Cauchi, Stefan Cachia Zammit, Liljana Portelli, Mikhail Basmadjian, Monica Attard, Malcolm Galea, u Joe CortisGraziella titwieled lil koppja li riedu tarbija akkost ta' kollox, akkost li jonfqu somom kbar fuq terapija għall-infertilità. Graziella titwieled b'kundizzjoni rari u gravi. Graziella tista' titħalla tmut jew inkella tista' tiġi operata għexieren ta' drabi biex tibqa' tgħix f'kundizzjonijiet fiżiċi miżeri. Omm Graziella trid taqtagħha tħallix il-kirurgu toperaha jew le. Missier Graziella għandu responsabbiltà fid-deċiżjoni. Imbagħad hemm il-kirurga: trid topera lil Graziella: għax hi kirurga u taf ħafna. U hemm l-infermiera li taf ħafna aktar dwar Graziella milli jafu ommha u missierha.

  • Tħabbru l-ewwel Deċiżjonijiet tal-Kunsill Nazzjonali tal-Ilsien Malti dwar il-Varjanti Ortografiċi. Il-kittieba kollha u dawk midħla tal-letteratura importanti ħafna li jarawhom.

  • Fil-25 u 26 ta' Lulju se ssir verżjoni multi-etnika ta' Romeo and Juliet fit-teatru għall-apert taċ-Ċentru tad-Drama tal-kumpless tal-Liċeo Maria Regina, il-Blata l-Bajda, fit-8.30pm. Direzzjoni ta' Julie Saunders. Celebrating the European Year for Intercultural Dialogue 2008. Presented by Theatre Studio West-London in collaboration with The Malta Drama Centre and Malta Parliamentary Secretariat for Youth & Sports. “Truly amazing... an inspired adaptation.” ‘‘The entire cast give superb performances.” Biljetti 7 ewro. Biex tibbukkja: tel. 21-220-665 jew ibgħat email lil malta.drama.centre@gov.mt.

  • Il-Kunsill Nazzjonali tal-Ktieb isellem lil Kilin. Il-Kunsill Nazzjonali tal-Ktieb ma jistax jibqa’ lura milli jsellem lill-kittieb Kilin li miet ilbieraħ, 9 ta' Lulju, 2008. Kilin kien xempju tal-kitba. Ħabb lil artu u lill-ilsien tagħha u bih għamel ħwejjeġ kbar. Ħafna jiftakru lil Kilin kontinwament jiġbed widejn il-Maltin għal mod kif il-lingwa qed tkun imfarrka. Kien beżgħan li l-Malti għad xi darba jmut mewta naturali. Tliet snin ilu Kilin rebaħ il-Premju Speċjali għal persuna li tat sehem ewlieni fil-qasam tal-ktieb Malti organizzat mill-KNK.


    Huma bosta l-kotba tiegħu li jsebbħu l-librerija tal-kotba Maltin. Jibqa’ magħruf għall-awtobijografija Fuq il-Għajn ta’ San Bastjan li fiha jirrakkonta tfulitu b’mod li ma jistax iħallik biered. Warajh segwa Iż-Żmien Isajru l-Bajtar.

    Kilin ppubblika diversi kotba ta’ kitbiet kreattivi fosthom Tinsiex Publius Tinsiex, Tmint Ijiem fi Dragunara li kien nqara minn Charles Arrigo fuq ir-radju nazzjonali, It-Tapit Imsaħħar u Għajnejn Kalanġ u Novelli Oħra. Jidher sikwit l-element nisrani f’kitbietu fejn kontinwament hemm t-taqtigħa bejn it-tajjeb u l-ħażin.

    Kilin kien ukoll ambjentalista. Kiteb bosta saġġi dwar dan is-suġġett u din it-tema tidħol ħelu ħelu fil-kitbiet kollha tiegħu. Kiteb ukoll dwar il-kappelli li jżejnu l-kampanja tagħna.

    Kilin kellu ħakma tajba tal-lingwa Spanjola u kellu għal qalbu l-pittura. Il-KNK isellem lil dan il-ġġant tal-ktieb Malti li bis-sempliċita u bl-umilta karatteristika tiegħu arrikkixxa l-mergħa letterarja Maltija.

    Sergio Grech, Direttur Eżekuttiv, Kunsill Nazzjonali tal-Ktieb

    Il-Ħamis, 10 ta' Lulju, 2008

     

  • Għażiż Francis, it-Tnejn 7 u t-Tlieta 8 ta’ Lulju fil-Berġa ta’ Kastilja, il-Belt, 9.00pm. Parti mill-Festival ta’ l-Arti. L-ispettaklu teatrali Għażiż Francis huwa xogħol ibbażat fuq il-ħajja u l-kitbiet tad-drammaturgu u rumanzier Malti Francis Ebejer. L-ispettaklu huwa t-tmiem ta’ proġett li beda sena. F’Ottubru 2007 ġiet ippreżentata verżjoni “primittiva” ta’ dan ix-xogħol li ntlaqgħet tajjeb ħafna.

    It-test ta’ Għażiż Francis huwa bbażat fuq novella jisimha “Żmien”, li Francis Ebejer kiteb tard f’ħajtu, u li fiha l-personaġġ, li hu wkoll iħossu fl-aħħar ta’ ħajtu, jirrakkonta t-tifkiriet li għalih huma l-qofol ta’ ħajtu, imma wkoll il-qofol taż-żmien li għex fih. In-novella fiha ħafna episodji li għandhom xebh kbir mal-bijografija ta’ Ebejer innifsu, imma wkoll ma’ dak li jirrakkonta fil-ħafna drammi u rumanzi li kiteb. Għalhekk, dan l-ispettaklu jgħaqqad xeni mid-drammi u siltiet mir-rumanzi u minn kitbiet oħra ta’ Ebejer biex joħloq narrattiva ġdida, li hija fidila lejn l-ispirtu ta’ l-awtur. 

    F’Għażiż Francis jieħdu sehem ħdax-il attur u attriċi li kollha jirrappreżentaw lil Ebejer, il-personaġġi li ħoloq fil-letteratura tiegħu u n-nies li ppopolaw ħajtu. Ir-rappreżentazzjonijiet se jsiru fil-bitħa u fil-kuriduri tal-Berġa ta’ Kastilja u jagħmlu użu tajjeb mill-ispazju suġġestiv li minkejja li mhux teatru, bħal ħafna strutturi barokki, huwa teatrali ħafna. Id-direzzjoni hija ta’ Peter Busuttil, u fost l-atturi hemm Pino Scicluna, l-attur li għalih Ebejer ħoloq il-personaġġ ta’ Ġaħan, il-protagonist ta’ l-aħħar dramm tiegħu. Jieħdu sehem ukoll atturi magħrufa flimkien ma’ oħrajn relattivament żgħażagħ. It-test huwa ta’ Marco Galea, naturalment bi kliem ta’ Francis Ebejer.

  • "Qalb Beltna Tħabbat" hija t-tema ta’ lejla letterarja dwar il-Belt Valletta organizzata mis-Soċjetà ta’ l-Arti, Manifattura u Kummerċ flimkien ma’ Poeżijaplus. Din l-attività ser issir fil-bitħa tal-bini ta’ din s-soċjetà, Palazzo de La Salle, Triq ir-Repubblika, il-Belt, nhar il-Ġimgħa 4 ta' Lulju, fit-8.00 ta’ filgħaxija. Numru ta’ awturi ser jaqraw ix-xogħlijiet tagħhom ispirati mill-Belt Valletta u l-ġrajjiet marbuta magħha. Mużika mill-Kantawturi Walter Micallef u Vince Fabri. Is-Soċjetà qed tistieden awturi oħra li jixtiequ jipparteċipaw, biex jikkuntattjaw lil Vince Fabri fuq vincefabri@hotmail.com - www.poezijaplus.com

  • F'Jannar ta' l-2008 dehru tliet mużajki ("Mosaics - Multilingual Sonnets") ta' Antoine Cassar u kumment "About the Mosaic concept" fir-rivista letterarja Awstraljana, The Chimaera (Issue 2, January 2008). Il-mużajki huma "A Dunánál," "C’est la vie," u "White Knight Syndrome." Wara l-kliem ta' kull poeżija, u traduzzjoni għall-Ingliż, hemm rikording tal-poeta jaqra dawn il-poeżiji multilingwi. Hemm mużajki oħrajn ta' Antoine Cassar fuq is-sit tiegħu, http://muzajk.info/

  • Il-Ħadd, 22 ta' Ġunju, 4.00pm - 10.00pm, il-Barrakka ta' Fuq. Immanuel Mifsud u Adrian Grima se jaqraw xogħlijiet ġodda u irriverenti dwar it-tibdil fil-klima waqt il-kunċert tal-festival tal-kummerċ ġust, WorldFest. Il-kunċert jibda fit-8.00pm. Dħul b'xejn. Jieħdu sehem ukoll Trania (Renzo Spiteri, Mark Attard, Walter Vella), Zizza Ensemble, u Rouage (minn Franza).

  • Riħ min-Nofsinhar, it-tibdil fil-klima skond Immanuel Mifsud u Adrian Grima (Edizzjoni Skarta, 2008), huwa ktieb ġdid b'poeżiji dwar it-tibdil fil-klima, li jinkludi wkoll kontributi dwar din it-tema minn nies f'diversi oqsma: Joseph Sciberras u Joe Galea, bdiewa mill-Koperattiva Rurali Manikata; il-kittieb u edukatur, Mario Cardona; l-ambjentalista Annalise Falzon; Kurt Sansone, editur tal-gazzetta Illum; il-politiku Ralph Cassar; Nathalie Grima mill-Koperattiva Kummerċ Ġust; Christine Borg mill-Malta Breastfeeding Foundation; u s-soċjologa Angele Deguara. Il-ktieb ta' 60 faċċata se jitnieda nhar il-Ħadd, 22 ta' Ġunju, 2008, fit-8.00pm fil-Barrakka ta' Fuq, il-Belt Valletta, waqt kunċert li se jsir fil-WorldFest. (Ara www.l-arka.org jew www.adriangrima.com)

  • Bejn it-12 u l-15 ta’ Ġunju, il-Kunsill Nazzjonali tal-Ktieb ser jorganizza l-Fiera tal-Ktieb Malti. Il-Fiera ser issir fis-Sala Robert Samut il-Furjana u ser tiftaħ mill-Ħamis sas-Sibt. Il-Prim Ministru Dr Lawrence Gonzi ser iżur il-Fiera nhar il-Ħamis fil-5.30 p.m. Huwa wera x-xewqa li waqt iż-żjara jiltaqa' ma' l-awturi Maltin. (Sergio Grech)

  • Il-Fiera tal-Ktieb Malti - Il-Kunsill Nazzjonali tal-Ktieb bejn it-12 u l-15 ta’ Ġunju, 2008, se jorganizza Fiera tal-Ktieb Malti fis-Sala Robert Samut faċċata tal-Knisja ta’ Sarrija, ħdejn id-Dar ta’ l-Anzjani, il-Furjana. Il-Fiera se tinfetaħ nhar it-12 ta’ Ġunju, fid-9.30 ta’ filgħodu mill-Onorevoli Ministru ta’ l-Edukazzjoni, Kultura, Żgħażagħ u Sports, l-Onor. Dolores Cristina. Il-pubblikaturi li laqghu it-talba tal-Kunsill biex jipparteċipaw f’din il-Fiera kienu FrannyJo Publications, Horizons, Klabb Kotba Maltin (KKM), Midsea Books, Preca Publications, Sensiela Kotba Soċjalisti (SKS), u Uptrend Publishing. Il-ħinijiet tal-Fiera se jkunu kif ġej: it-12 u t-13 ta’ Ġunju, bejn id-9.30 a.m. u s-7 p.m. L-14 ta’ Ġunju, bejn id-9.30 a.m. u s-2.30 p.m. Id-dħul għall-Fiera huwa mingħajr ħlas.

  • Nhar il-Ġimgħa, 20 ta' Ġunju, bejn id-9.00pm u l-10.00pm, fiċ-ċentru Elysium tal-Fondazzjoni Gaia f'Għajntuffieħa (dahar ma' dahar, tista' tgħid, mar-restorant Apple's Eye), se ssir sessjoni miftuħa ta' poeżija dwar il-bniedmin u l-vjaġġ tagħhom biex jiskopru, u jindiehsu man-natura bl-isem ta' "Il-Mitt Velu tan-Natura." Din l-attività hija miftuħa għal kulħadd, imma min jiġi mhux obbligat jaqra. Nisimgħu u/jew naqraw il-poeżiji lil xulxin - daqshekk sempliċi. Mhux poeżiji ta' protesta, pero', għalkemm jekk ikollhom element ta' protesta mhux problema. Poeżiji li jirrakkontaw ir-relazzjoni tal-bnedmin man-natura... Għal aktar tagħrif ara www.adriangrima.com. L-isem tas-sessjoni huwa ispirat mill-poeżija "Ċentifolja" ta' Achille Mizzi (Vetrati Milwiena, PEG, 1998). 

  • Patrick Sammut u Stephen Cachia għadhom kemm ippubblikaw ġabra ta' 40 poeżija bl-isem ta' Żifef u Rwiefen, b'kumment kritiku ta' Dr. Charles Briffa u kumment ieħor ta' Charles Flores (Ġunju 2008, ISBN.978-99932-0-6002. 78p). Fih ukoll numru ta' disinji ta' l-artista Norvegiża Olaug Vethal li ghaliha huwa ddedikat il-ktieb. Żifef u Rwiefen jinbiegħ Ewro 4.65 u jista' jinkiseb direttament mill-awturi permezz ta' l-indirizzi elettronici patrickjsammut@hotmail.com  jew stecac@yahoo.com.

  • Kotba nnominati għall-Premju Nazzjonali tal-Ktieb għal Kotba Ppublikati fl-2007.

  • L-Għanja Tiegħi Lil Ħal Kbir ta’ Pawlu Aquilina (Ġunju 2008) huwa ktieb ġdid ta’ poeżija u proża b’rabta mal-Madonna tal-Providenza u l-kappella tagħha f’Ħal Kbir. Prezz tal-ktieb: €5 (Lm2.15) li jmorru għad-Dar tal-Providenza. Jinkiseb bil-posta (bl-istess prezz) mingħand l-awtur:P. Aquilina, 97 Massabielle, Triq it-Tabib Nikola Zammit, Is-Siġġiewi, SĠW3076. Fuq iċ-ċekk ikteb “Dar tal-Providenza” u ibgħat l-isem u l-indirizz tiegħek.

  • Tony C. Cutajar ippubblika kotba ta' radjudrammi storiċi: Mhux Skond iz-Zokk fih tliet drammi. Tliet radjudrammi oħra jidhru fil-ktieb Il-Vendetta u erbgħa fil-ġabra Tmiem Qares ipubblikata minn Wise Owl Publications.

  • Ħareġ Il-Misteru ta’ Miġra l-Ferħa ta’ Tony C Cutajar (Klabb Kotba Maltin). Dan huwa s-seba’ misteru u t-tnax-il ktieb ta’ l-awtur maħsub għaż-żgħażagħ. Dan il-ktieb ġdid jitratta l-ħbiberija ta’ żewġ tfajliet li jmorru fi skejjel differenti. Huma żewġ karattri li jagħmlu kuntrast interessanti, waħda serja u ta’ l-affari tagħha u l-oħra fuq ruħha li tagħmel ħbieb malajr ma’ ġuvnott. L-avventuri li jkollhom flimkien jgħinuhom fil-proġetti ta’ l-iskola u jwasslu għal ħbiberija ma’ ġuvni ieħor. Iż-żewġ koppji jippruvaw isolvu l-misteru tal-wasla tal-Konti Ruġġieru f’Miġra l-Ferħa u dak tal-bandiera Maltija. Wieħed mill-ġuvintur jaqa’ l-baħar bil-ħwejjeġ b’kollox filwaqt li l-ieħor jissogra ħajtu biex isalva l-kelb ta’ waħda mit-tfajliet waqt li jagħmel skoperta kurjuża.

  • It-tielet edizzjoni tal-Festival Mediterranju tal-Letteratura ta' Malta - 11-13 ta' Settembru, 8.00pm. Couvre Porte, il-Birgu. Organizzat minn Inizjamed bħala parti mill-proġett Literature Across Frontiers. Bis-sehem ta' kittieba u tradutturi minn Malta, il-Palestina, il-Katalonja, il-Greċja, l-Italja, u l-Marokk. Jieħu sehem ukoll il-grupp Malti ta' mużika funk, Zizza Ensemble. Il-kittieba se jieħdu sehem ukoll f'laboratorju residenzjali ta' ġimgħa tat-traduzzjoni letterarja.

  • L-Għaqda tal-Malti – Università qiegħda taħseb għal proġett ieħor ta’ ktieb, u bħad-darba l-oħra se ddur fuq il-membri tagħha biex titlobhom għajnuna finanzjarja.
    Il-Fond Ġużè Bonnici ddawwar f’Fond Kotba Għaqda tal-Malti. ’Il quddiem se jingħataw aktar dettalji. Lill-membri li jixtiequ jgħinu bħal fl-imgħoddi, nitolbuhom jibagħtu ċekk maħruġ fuq l-Għaqda tal-Malti – Università lis-Sinjorina Amanda Busuttil, Qronfla Triq il-Ġarakol, Ħal Għaxaq. Minn IttrAħbar nru. 18.

  • Programmi fuq l-RTK. L-RTK offra lill-KNK sensiela ta’ taħditiet għal dan is-sajf dwar
    il-qari. F’dawn it-taħdidiet se jieħdu sehem il-membri tal-KNK kif ukoll nies involuti direttament fis-settur tal-ktieb. L-intervisti se jixxandru kull nhar ta’ Ħamis fid-9.15a.m.waqt il-programm popolari Bejnietna ppreżentat minn Sonia Young.

  • Il-Fiera tal-Ktieb din is-sena se tiftaħ fit-12 ta’ Novembru u se ssir f’Dar il-Mediterran għall-Konferenzi. Ara wkoll din iċ-ċirkulari tal-KNK.

  • Ħareġ New Wave Literature. The Movement for its Promotion in the Sixties, ta' Charles Briffa.

  • Nhar il-Ġimgħa 30 ta' Mejju fil-Kavallier ta' San Ġakbu, il-Belt Valletta, fis-7.30 pm, MERLIN LIBRARY se tniedi żewġ kotba ġodda ta' Trevor Żahra: Il-Ġenn Li Jżommni f’Sikti (awtobijografija) u Il-Ħajja Sigrieta tan-Nanna Ġenoveffa għall-kbar. Il-programm jinkludi qari ta' siltiet animati u drammatizzati mill-Grupp Teatrali Du' kif ukoll minn Joseph Galea u Marcelle Teuma. Dan il-qari huwa għal udjenza adulta. Ara wkoll www.trevorzahra.com.

  • Poeżijaplus. It-Tnejn, 26 ta' Mejju. Lejla ddedikata lil Anton Buttigieg fil-Każin San Gejtanu tal-Ħamrun imtella' minn Poeżijaplus. Tibda fis-7 p.m. Ser jitkellmu Oliver Friggieri, Joseph Borg, Victor Grech u Dr John Buttigieg.

  • 130 Ktieb għall-Premju Nazzjonali tal-Ktieb. Riċerka Akkademika dwar il-Qari tal-Kotba f’Malta. Aġġornament tal-Pakkett ta’ Riżorsi għall-IskejjelAra ċ-ċirkulari tal-KNK.

  • Joe Camilleri mir-Rabat, Għawdex, iħabbar il-pubblikazzjoni tan-novelli tiegħu Solitudni fil-Folla (2007). Il-ktieb fih daħla kritika mill-Prof. Oliver Friggieri.

  • Walter Micallef u l-Ħbieb f'kunċert nhar il-Ħadd 18 ta' Mejju fl-Argotti l-Furjana fid-9.00 ta' filgħaxija. Renzo Spiteri: Perkussjoni - Walter Micallef: Leħen u kitarra - Jes Psaila: Kitarra Akustika - Albert Garzia: Argunett - Pawlu Camilleri l-Bibi: Orgni tal-ħalq - Eric Wadge: Baxx. Biljetti mill-bieb. Is-serata tibda fis-7.00 ta' filgħaxija.

  • Sunday 11th May at 11:00 at the Church of St Catherine of Italy. The world premiere of "L-Ghanja ta’ l-Imnikket," a song cycle by Alex Vella Gregory. This song cycle is a setting of several poems by the Maltese poet Ruzar Briffa. The work is being performed by soprano Pauline Longo together with the St James Consort. The work includes some of Briffa’s most popular poems including "Lil Binti waqt Air-Raid," "Il-Kotra u Jien" and "L-Ghanja ta’ l-Imnikket." The Church of St Catherine also has an added significance since it was the church where the poet married his second wife Louisette.

  • F'April ħareġ Għad-Dell tal-Gakaranda, poeżiji ta' Carmel G. Cauchi

  • Ħareġ il-ktieb Ħajkumanija ta' Maurice Mifsud Bonnici. "Il-ħajku, aktar mill-limerikk, għandu karatteristika li ma ssibhiex daqshekk prominenti f’tipi ta’ poeżija oħra. Il-ħajku jaħkmek taħt snienu sa tibda toħolmu bil-lejl! Kull ħaġa li tibda tara quddiem għajnejk tibda ddawwarha f’ħajku, u jekk ma jkollokx karta fuqek għal-lest titlef ħafna minnu; għax il-ħajku għandu karatteristika oħra – jiżloqlok minn moħħok daqs bużullieqa. Minħabba dil-ħakma fuq il-menti tiegħek, semmejt dal-ktieb: Ħajkumanija – speċi forma ta’ ġenn bħall-manija li taħkem wieħed li jġemma’ l-bolli."

  • Ir-Reġistru tal-Kotba fis-Suq. Manwal għall-użu. Ara ċ-ċirkulari tal-KNK. (April 2008)

  • Il-KNK ħareġ dan il-pakkett għall-għalliema (April 2008)

  • Jaan. Teatru u mużika. 19-20 ta' April, 2008. Teatru tal-Kulleġġ San Alwiġi. 8.00pm. €10. Min hu Jaan u Jaan x'irid? Min int Int , u Int xi trid? ViolinMalta bil-kollaborazzjoni ta' TDM2000Malta tippreżentalkom ir-raba' produzzjoni tagħha, Jaan. Il-mużiċist Simon Vella, l-attriċi Leigh Anne Abela, u Dance Workshop, ilaqqgħuna ma' Jaan f'mewġa ta' mużika oriġinali live, drama, żfin u letteratura Maltija. Kitba ta' Janice Bartolo. www.violinmalta.com - www.tdm2000malta.com

  • VersAgħtini - Id-Djaletti Tagħna. Nhar il-Gimgha 18 ta' April 2008 se jsir il-festival letterarju VersAgħtini bis-suġġett 'Id-Djaletti Tagħna.' Il-festival se jsir fis-Sala Vilhena, il-Kwartieri tal-Korp tal-Pulizija, il-Furjana. Il-hin ikun bejn is-7.15pm u d-9.15pm. Għall-ħabta tas-6.00pm se jkun possibbli li nżuru l-Mużew tal-Pulizija u l-Mużew ta' l-Atti Kriminali li jinsabu fl-istess Kwartieri. Ringrazzjament speċjali jmur lejn il-Community and Media Relations Unit, Police General Headquarters, Floriana. Kull minn jixtieq jiehu sehem jista' jċempel lil Miriam Cassar fuq in-numri 2166 7001 - 9922 6186. Il-parteċipanti jingħataw tifkira mingħand FrannyJo Publications.

  • Serata Letterarja mill-Għaqda Letterarja Maltija - L-Ambjent Malti: Ilbieraħ u Llum. Nhar il-Ġimgħa, 25 ta’ April 2008, fis-7.00 ta’ filgħaxija, l-Għaqda Letterarja Maltija se torganizza serata letterarja fil-Binja ta’ Din l-Art Ħelwa, Numru 133, Triq Melita, il-Belt Valletta. Il-mistednin speċjali li ser jagħmlu diskorsi qosra waqt is-serata huma s-Sur Paul P. Borg, rumanzier, poeta u għalliem, u s-Sur John Sarè għal Din l-Art Ħelwa. Il-programm se jitmexxa mis-Segretarju ta’ l-Għaqda Letterarja Maltija, is-Sur Donovan Gatt.

  • FestaKtieb '08 / Bookbonanza - PEG Ltd. se jorganizza din il-Fiera tal-kotba, bi prezzijiet tajbin ħafna (sa 50% roħs), nhar il-Ġimgħa, 25 ta' April (4.00pm-8.30pm), is-Sibt 26 ta' April (10.00am - 8.30pm), u l-Ħadd 27 ta' April (10.00am - 8.30pm) fil-kwartieri ġenerali ta' l-Iscouts, il-Furjana, quddiem il-Knisja ta' Sarria. Kotba ta' kull tip u b'lingwi differenti. Għal aktar tagħrif ara s-sit www.peg.com.mt.

  • BhimaChat, produzzjoni teatrali ta' Ixidor bis-sehem tal-grupp mużikali Zizza Ensemble nhar il-25, 26, 27 ta' April fl-MITP, Triq San Kristofru l-Belt, fis- 7:30pm. Min hu l-bhima? il-kelb, il-qattus jew int? X'tagħmel kieku kellek tqum bil-lejl u tisma' l-qattus ikellmek? U x'tagħmel meta tibda tinduna li dan mhux l-uniku annimal li kiseb id-don tal-kelma? X'se jiġri fid-dinja, issa li l-annimali jistgħu jsemmgħu leħinhom? Tgħid ir-rota ta' l-evoluzzjoni qabdet ir-rotta b'lura? Dan skerz jew fenomenu tan-natura?

  • Poeżijaplus - Nhar it-Tnejn 28 ta' April fis-7.30pm fil-bitħa tat-Teatru Manoel. Penelope Beaumont-Wright (magħrufa fil-kamp letterarju bħala Penelope Meryon), flimkien mas-surmast u kompożitur Joesph Vella, ser tkun il-mistiedna ta' PoeżijaPlus. Aktar dettalji fuq: http://www.poezijaplus.com/XiJmiss.html

  • "Għal vetrina aħjar tal-ktieb Malti." Ara l-intervista ta' Franica Pulis ma' Ġorġ Mallia, president tal-Kunsill Nazzjonali tal-Ktieb fil-gazzetta Illum (13 ta' April 2008).

  • Ara l-artiklu ta' Franica Pulis, "In-nisa Maltin l-inqas li jaqraw fl-Ewropa" (Illum, 23 ta' Marzu, 2008)

  • Il-Premju Nazzjonali tal-Ktieb għall-kotba li ħarġu fl-2007 u l-Fiera tal-Ktieb Malti. Ara dan id-dokument tal-Kunsill Nazzjonali tal-Ktieb. Il-Kunsill ifakkar li l-pubblikaturi u l-awturi għandhom biss sa l-10 ta’ Mejju biex jissottomettu l-kotba għal din l-edizzjoni ta’ tal-Premju Nazzjonali tal-Ktieb.

  • Id-dramm Medea. Imtella' minn  du` theatre group. 2, 3, 4 ta' Mejju 2008 fl-MITP, Triq San Kristofru, il-Belt Valletta. 8pm. Biljetti dalwaqt mill-Kavallier ta` San Ġakbu. 2122 3216 / 2122 3200 jew boxoffice@sjcav.org. Addattata minn traduzzjoni ta' Oliver Friggieri. Mara mweġġgħa u umiljata minn żewġha. Prinċipessa saħħara u vendikattiva... lesta ċċappas idejha bid-demm... Makakka. Ittraduta. Qattiela.

  • Ħareġ il-ktieb bilingwi li Antoine Cassar ħejja għas-serata ta' Djaspora li saret fil-Lussemburgu nhar il-Ġimgħa, 11 ta' April, 2008. Xogħlijiet ta' Miriam Galea, Pierre J. Mejlak, Alex Vella Gera, Albert Marshall, Joseph Spiteri, Mario Vella, Alex Vella Gera, Kevin Saliba, Antoine Cassar u Ċali Grima. Arawh hawnhekk: Djaspora.

  • DJASPORA -  Il-Gimgha 11 ta' April, 2008. Lejla letterarja Maltija. Serata mtellgħa mill-komunità Maltija tal-Lussemburgu, bi tliet mistednin speċjali minn Brussell: Miriam Galea, Pierre J. Mejlak u Alex Vella Gera. Programm imżewwaq li jinkludi fost l-oħrajn il-qari ta' silta minn Riħ Isfel, poeżiji ta' Albert Marshall, Joseph Spiteri u mill-ktieb Ħbula Stirati (Mario Vella, Alex Vella Gera, Kevin Saliba, Antoine Cassar u Ċali Grima), skeċċ teatrali ta' Simon Bartolo u rokna tat-tfal. Mużika minn Carmen Borg, Daniel Meilak u Roberta Spiteri. Kulħadd mistieden. Se jkun hemm ktejjeb ta' traduzzjonijiet bl-Ingliż għall-barranin. Ħoloq: www.pierrejmejlak.com, www.hbulastirati.info, www.il-fiddien.com.

  • Fil-bidu ta' April 2008 ħareġ il-ktieb Theorie et pratique de la traduction litteraire francais-maltais /It-Teorija u l-Prattika tat-Traduzzjoni Letterarja Franciz-Malti, ta' Aquilina / Bezzina /Borg, Malta University Publishers Ltd., ISBN: 9789990 944372. Aktarx li huwa l-ewwel pubblikazzjoni Maltija dwar it-traduzzjoni letterarja.

  • Nhar il-Ġimgħa, 11 ta' April, fis-6.30pm fl-Alliance Française de Malte se jitnieda d-dizzjunarju Franċiż-Malti ta' Joseph Cutayar sponsorjat mill-Institute for Maltese Culture. It-tnedija qed tiġi organizzata mill-Ambaxxata Franċiża f'Malta u l-Alliance Française de Malte, bil-kollaborazzjoni ta' Agius & Agius. Wara jkun hemm ftit ikel u xorb.

  • Nhar it-18 ta' April, fis-7.30pm, se jitnieda l-ktieb ta' novelli ta' Francesca Mangion, Rakkonti minn art ix- , fil-Loggia tal-Mużew Nazzjonali ta' l-Arti fi Triq Nofsinhar, il-Belt Valletta, waqt il-ftuħ tal-wirja ta' pitturi ta' Dustin Cauchi bl-isem ta' Ix-X   u Jien. Il-ktieb jinkludi illustrazzjonijiet ta' l-artist. Il-wirja tibqa' miftuħa sat-28 ta' Mejju (9am - 5pm).

  • Minn wara ż-Żipp. Kitba: Trevor Żahra. Produzzjoni: Unifaun Theatre. Direzzjoni: Chris Gatt. Il-Ġimgħa 28, is-Sibt 29, il-Ħadd 30 ta' Marzu fis-7.30 p.m. GĦALL-KBAR BISS. Dan ix-xogħol ġdid, li l-istil tiegħu jilgħab bejn dak ta’ dramm u ta’ monologi, huwa mmirat lejn udejnza adulta u matura. Minn Wara ż-Żipp jipprova jistħarreġ ir-relazzjoni bejn ir-raġel u s-sess, u d-diversi fażijiet li din tgħaddi minnha: l-anzjetà u d-dubju ta’ l-adoloxxenza, il-passjoni u l-ħġejjeġ taż-żgħożija, ix-xoveniżmu, il-ftaħir, il-miti u il-preokkupazzjoniet ta’ l-adultezza … u fl-aħħar nett il-biżgħat u r-rassenjazzjoni tax-xjuħija. Għalkemm id-dramm għandu partijiet twal ta’ umoriżmu fl-aqwa tiegħu, ma jonqsux il-patos u l-waqtiet ta’ tensjoni.

  • Ħareġ l-għadd numru LXXIX (2007) ta' Il-Malti, ir-rivista ta' l-Akkademja tal-Malti. Din hija ħarġa akkademika li tinkludi artikli dwar il-letteratura u dwar il-lingwa. L-imsieħba ta' L-Akkademja tal-Malti jirċevuh bil-posta regolari. Din ir-rivista toħroġ bis-sehem tal-Klabb Kotba Maltin. L-artiklu f'din il-ħarġa huma: L-Editorjal (Marco Galea); “'Il-Għarusa tal-Mosta' u Drammi Manuskritti Oħrajn ta’ Qabel l-1845 fil-Fondo  Panzavecchia" (David Agius Muscat); "Il-Kardinal Giuseppe Mezzofanti u l-Malti" (Mario Cassar); "Il-Poeżija ta’ Daniel Massa: It-Tfittxija ta’ Tfulija Dejjiema" (Oliver Friggieri); "L-Element tal-Konfront f’Monsinjur Pietru Pawl Saydon" (Sergio Grech); "Juan Mamo u s-Sigrieti ta’ Wlied in-Nanna Venut" (Adrian Grima); "Gwerrieri u Sinjorini: Mary Meylak u l-Poeżija tal-Ġisem" (Immanuel Mifsud); "Il-Meraq taż-Żmien: Ħarsa lejn ir-Raba’ Taqsima ta’ Bil-Varloppa – L-Ewwel Ġabra ta’ Poeżiji ta’ Louis Briffa" (Peter Serracino Inglott); "Laurent Ropa u l-Maltin ta’ l-Alġerija" (Dorothy Scerri); "Tieqa Mbexxqa fuq is-Semantika Lessikali" (Michael Spagnol); "Ktejjeb Rari ta’ Cannolo" (Olvin Vella); "Wiċċ Malta Qabel Ma Ġie l-Ordni" (Godfrey Wettinger); "Dawl Ġdid fuq l-Ewwel Pubblikazzjoni tal-Katekiżmu Kattoliku bl-Ilsien Malti: Tagħlim Nisrani (1752) ta’ Franġisk Wzzino" (William Zammit); u "Dokumentazzjoni: Id-Dar ta’ l-Għaqda/Akkademja" (Anton Agius Muscat).

  • Id-diretturi tal-Klabb Kotba Maltin għandhom il-pjaċir jistednuk għall-preżentazzjoni taż-żewġ rumanzi dal-lejl ġie alla u rajt 'l alla jibki ta' Paul P. Borg li se ssir nhar it-Tlieta, l-1 ta' April, 2008, fis-7.30pm fil-Mużew ta' l-Arti, Triq Nofsinhar, il-Belt Valletta.

  • Le Printemps des Poètes. Alliance française à Malte, 108 St Thomas Street, Floriana. Café poésie, scène ouverte. 18 mars 2008 19h. L'alliance française de Malte organise son premier café-poésie. Au programme : vagues de lectures de poèmes en anglais, français et maltais. Entre les vagues, poèmes mis en musique et slam seront à l'honneur. Sans oublier le métissage du vin français et des spécialités culinaires maltaises...

  • L-Akkademja tal-Malti ppubblikat iċ-ċirkulari ta' Marzu 2008. Hemm tagħrif dwar Karmenu Ellul Galea, Karmen Mikallef Buħaġar, Mario Serracino Inglott, Anton Agius Muscat, Pawlu Galea Curmi, u Ġorġ Mifsud-Chircop.

  • Gwida għall-Pubblikazzjoni maħruġa mill-Kunsill Nazzjonali tal-Ktieb. Il-Kunsill Nazzjonali tal-Ktieb ippubblika għall-ewwel darba Gwida għall-Pubblikazzjoni. Dan il-manwal twieled wara ħidma minn kumitat iċċerjat mill-President tal-Kunsill Nazzjonali tal-Ktieb, Ġorġ Mallia, u magħmul minn Joe Debattista, Charles Casha, Victor Fenech, Sergio Grech, Christopher Gruppetta, Joe Mizzi, Martes Paris, James Sapienza, John Sultana u Trevor Żahra. L-ewwel ħsieb kien li jitwaqqaf speċi ta’ quality charter għall-ktieb Malti imma fuq parir ta’ l-istess kumitat, il-Kunsill għadda biex tkun ippubblikata gwida biex tgħin lil dawk li ser jidħlu għal din l-avventura tal-pubblikazzjoni. L-ewwel parti tal-gwida hija dwar kif tersaq lejn pubblikatur bil-manuskritt tiegħek. Fil-ktejjeb wieħed isib tagħrif ukoll dwar xi punti fejn jidħlu l-pubblikazzjonijiet. L-aħħar parti tal-ktejjeb hija dwar notamenti dwar il-paġni prelimari u l-paġni ta’ wara tat-test. L-għan tal-pubblikazzjoni mhux li tezawrixxi kull suġġett involut fil-qasam, imma biex tgħin lil min ma jafx minn fejn se jibda. Il-gwida għandha l-għan biex ikun hawn ċerta uniformità. Din isimha magħha: gwida u mhix impożizzjoni. Il-Kunsill jittama li din il-gwida tgħin biex tnaqqas il-babilonja u żżid l-eċċellenza fix-xeħta u tkompli ddaħħal dejjem aktar kotba ma’ dawk il-ħafna tant sbieħ u tajbin li mlew dan l-aħħar snin il-librerija Maltija.Kopji jistgħu jinkisbu billi wieħed jibgħat invilops daqas ftit ikbar minn A5 li jkun self-addressed u stamped lil Sergio Grech, c/o Librerija Pubblika Ċentrali, il-Floriana. Jekk tkun mixtieqa verżjoni elettronika biss tal-Gwida, wieħed jista’ jibgħat talba lil info@ktieb.org.mt.

  • STROFI TAL-PASSJONI. Nhar l-Erbgħa, 19 ta’ Marzu 2008, fis-7.00 ta’ fil-għaxija, l-Għaqda Letterarja Maltija ser torganizza serata letterarja fir-Razzett tal-Markiz Mallia Tabone, (biswit l-iskola Lily of the Valley) il-Mosta. Is-serata ser tiġi ppreżentata minn Donovan Gatt u ser isir diskors ta’ introduzzjoni mill-President ta’ l-Għaqda Letterarja Maltija, Louis Briffa. Ser ikun hemm ħin ukoll għal min irid jaqra xi kitba tiegħu.

  • Kif nistgħu nżidu l-qari tal-kotba? Rapport qasir mill-konferenza tal-Kunsill Nazzjonali tal-Ktieb.

  • Poezijaplus. Nhar it-Tnejn 25 ta' Frar: "It-Tila u l-Pinna" fil-Muzew ta' l-Arti, Triq Nofsinhar, il-Belt Valletta, fis-7.30 p.m. B'kollaborazzjoni ma' Heritage Malta. Min jixtieq jieħu sehem għandu jibgħat email lil sergiogrech@yahoo.com.

  • Jitħabbar il-programm provviżjorju tal-Konferenza dwar il-Qari tal-Kotba f’Malta fl-1 ta’ Marzu, 2008, fil-Lukanda Coastline, is-Salini, mit-8.30pm sa l-4.00pm.

  • Kotba mill-Kunsill Nazzjonali tal-Ktieb lil-Librerija Pubblika (Frar 08)

  • Niżżel l-applikazzjonijiet għall-Premju tal-Ktieb 2007: Għall-Premju Nazzjonali tal-Ktieb - Għall-Premju lil Persuna li tat Kontribut matul Ħajjitha

  • Letteratura Maltija għat-Tfal ippubblikata fuq Transcript. Kitbiet ta' Trevor Żahra, Pierre Mejlak u Clare Azzopardi, disinji ta' Lisa Falzon, traduzzjonijiet ta' Albert Gatt
    u Antoine Cassar. Koordinazzjoni ta' Inizjamed fi ħdan il-proġett letterarju internazzjonali Literature Across Frontiers għall-promozzjoni tal-letteraturi Ewropej inqas magħrufin.

  • Il-Festa ta’ l-Infanta (13-17 ta' Marzu) hi produzzjoni għat-tfal addattata għat-teatru mill-istorja ta’ Oscar Wilde, "The Birthday of the Infanta," u mtella' minn Teatru Qroqq magħmul mill-istudenti tar-raba’ sena tal-B.Ed (Hons.) u mmexxi minn Isabelle Gatt (lekċerer ta’ l-Arti Espressivi fl-Università ta’ Malta). Il-produzzjoni hi maħsuba sabiex tkun ta’ divertiment għall-udjenza. Se tinkludi żfin ta’ stili differenti, mużika u kant kif ukoll l-elementi miċ-ċirku. L-għan edukattiv ewlieni ta’ l-istorja hu li ġġiegħel lill-udjenza, tkun xi tkun l-età tagħha, tirrifletti fuq kif bosta drabi s-sbuħija tal-bniedem titqies fuq l-apparenza tiegħu. Għall-pubbliku ġenerali, il-produzzjoni se tittella’: Is-Sibt, 15 ta’ Marzu 2008, fil-5.00pm -  Il-Ħadd, 16 ta’ Marzu 2008,  fil-8.00pm. Għall-iskejjel, il-produzzjoni se tittella’ fit-13, 14 u 17 ta’ Marzu 2008, darbtejn kuljum, fid-9:30am u l-11:30am. Biljetti jistgħu jinkisbu mill-Kavallier ta' San Ġakbu. Tel: 2122 3216; E-mail boxoffice@sjcav.org. Għal aktar informazzjoni ikteb lil Esmeralda Cassar, ecas0001@um.edu.mt. 

  • Il-Ġimgħa l-Kbira u l-passjoni ta' dawk kollha li qed ibatu fi dramm investigattiv bi 'l fuq minn 60 attur live li jiġi mwaħħad ma' purċissjoni bil-vari, banda eċċ. fil-pjazza u mat-toroq ta' Ħal Għargħur nhar is-16 ta' Marzu mill-4.30 'l quddiem. Dħul b'xejn
    u intom mistednin tagħtu sehemkom bil-preżenza tagħkom dakinhar.

  • Jitnieda l-Premju Nazzjonali tal-Ktieb 2007. Il-Kunsill Nazzjonali tal-Ktieb jgħarraf li, permezz ta’ premjijiet u għotjiet, se jingħata għarfien lill-awturi ta’ l-aħjar xogħlijiet letterarji u ta’ xejra oħra bil-Malti u b’lingwa oħra li ġew ippubblikati għall-ewwel darba fi ktieb matul is-sena 2007. Il-Kunsill Nazzjonali tal-Ktieb iżomm id-dritt li ma jagħtix il-premju jew għotja jekk il-membri tal-Ġuriji rispettivi jidhrilhom li xi xogħol ma jilħaqx il-livell mixtieq. Importanti li d-data tal-pubblikazzjoni tkun trid tidher xi mkien fil-ktieb. Ara dan it-tagħrif.

  • Nhar il-Ġimgħa, 29 ta' Frar, 2008, bejn is-6.30pm u t-8.30pm, fil-Gallarija Couvre Porte tal-Birgu, FrannyJo Publications, bil-kollaborazzjoni tal-Kunsill Lokali tal-Birgu, se jorganizzaw ir-raba' edizzjoni tal-festival letterarju Vers Agħtini. Kulħadd mistieden. Il-kantawtur Walter Micallef se jipprovdi l-mużika. Dan il-festival se jsir sabiex jitfakkar il-Jum Internazzjonali ta' Lsien Pajjiżi mwaqqaf mill-UNESCO fl-1999. Il-UNESCO qed tiddedika s-sena 2008 lil-Lingwa. Il-motto hu "Is-Siwi tal-Lingwa" - "Language matters." It-tema tal-festival għal din is-sena hi: Ħrejjef, Ballati u Leġġendi. Is-siltiet se jinkludu, fost l-oħrajn, il-Ballata tat-Taj Mahal u L-Għarusa tal-Mosta; leġġendi f'forma ta' poeżiji u xi ħrejjef ta' Esopu. Kull min jixtieq jieħu sehem jista' jibgħat javża b'ittra-e jew inkella jċempel lill-Kunsill Lokali tal-Birgu fuq 2166 2166 jew 2166 7001. Id-data ta' l-għeluq għall-parteċipanti hi s-26 ta' Frar 2008. Miriam Cassar - 9922 6186.

  • Is-Sibt 1 ta’ Marzu, 2008, fil-Lukanda Coastline, is-Salini. Il-Kunsill Nazzjonali tal-Ktieb iħoss li wasal iż-żmien li jlaqqa’ l-partijiet interessati kollha biex jiddiskutu strateġija fejn jidħol il-qari tal-kotba f’pajjiżna. Dettalji f'din l-istqarrija. Il-Kunsill ħassu inkwetat ħafna li l-istatistika riċenti ta’ l-Eurostat (News Release 146/2007, 29 ta’  Ottubru, 2007) sabet li 45% biss tal-Maltin qabdu ktieb b’idejhom fl-aħħar sena. Dan meta tqabblu ma’ pajjiżi Ewropej oħra fejn il-qari huwa n-nifs tagħhom.Il-Konferenza se ssir is-Sibt 1 ta’ Marzu, 2008, fil-Lukanda Coastline, is-Salini u mhux fit-23 ta’ Frar kif konna avżajna. Għal aktar tagħrif irrikorru għal www.ktieb.org.mt.

  • Il-festival Vers Agħtini ddedikat lid-Djaletti Maltin se jsir f'April li ġej u diġà hemm min ikkonferma li se jieħu sehem. Għalhekk nistedinkom tieħdu sehem intom ukoll u kull min iħobb id-Djaletti Maltin m'għandux jitlef dan il-festival, li se jkun imżewwaq bl-għannejja Maltin. Miriam Cassar - 9922 6186.

  • Il-KNK qed jaħseb biex fil-ġimgħat li ġejjin iniedi folju li fih jagħti tagħrif dwar kotba ġodda li jkunu ħarġu fis-suq lokali. Dan il-folju ser jitqassam bl-email. Hemm madwar elf ruħ abbonati fil-folji tal-KNK. Il-kotba jistgħu jkunu ppubblikati kemm lokalment kif ukoll barra minn Malta. Il-Kunsill qed jitlob lill-pubblikaturi kollha biex javżaw lid-Direttur Eżekuttiv Sergio Grech bil-pubblikazzjonijiet tagħhom.

  • Irkejjen - nhar il-Ġimgħa, 22 ta' Frar, 2008, mis-7.30pm 'il quddiem, fil-Kavallier ta' San Ġakbu għadd ta' kittieba u qarrejja Maltin u barranin se jiltaqgħu biex jaqraw xogħlijiet ta' kittieba oħrajn minn letteraturi differenti lill-pubbliku preżenti. Id-dħul se jkun b'xejn. Jieħdu sehem Trevor Zahra, Sandra Vassallo, Walid Nabhan, Immanuel Mifsud, Anna Ignacak Mifsud, Caldon Mercieca, Roderick Mallia, Simone Inguanez, Beatriz Iglesias, Maria Grech Ganado, Siem Gabir, Priscilla Cassar, Adel Bishtawi, u Clare Azzopardi. Koordinazzjoni ta’ Claudia Gauci u Adrian Grima għal Inizjamed. Irkejjen: www.inizjamed.org - Festa 5: www.sjcav.org

  • Il-Ħamis, 14 ta' Frar, fis-6.00pm, fiċ-Ċentru tal-Konferenzi Mikiel Anton Vassalli, Sala D1, fl-Università. Literature and Comparison Research Seminar Gateway Hall D1, 6pm, il-Professur Oliver Friggieri se jagħmel taħdita dwar "Ir-Rumanz bħala l-Ħajja skond Sens u Forma." Ara l-idea tat-taħdita tiegħu hawnhekk.
   
 

Avvenimenti Importanti fl-2007
 

bl-għajnuna ta' Joseph Borg
   
 

  • Poeżijaplus nhar it-Tnejn 28 ta’ Jannar, 2007, fil-bitħa tat-Teatru Manoel fis-7.30 p.m. Se jaqraw, fost l-oħrajn, Louis Briffa, Charles Coleiro, Maria Grech Ganado, Adrian Grima, Simone Inguanez, Ġorġ Peresso, Joe W. Psalia, Marlene Saliba, Karl Schembri, Andrew Sciberras, Leslie Vassallo, u Mary Anne Zammit. Min jixtieq jieħu sehem għandu jibgħat e-mail lil sergiogrech@yahoo.com.

  • Għotjiet ta’ għajnuna mill-Kunsill Nazzjonali tal-Ktieb għall-kotba li ħarġu fl-2006. Ara l-istqarrija.

  • Il-Melitensia hija sezzjoni fil-librerija ta' l-Università ta' Malta li fiha jinsab materjal li ghandu x'jaqsam ma' Malta. Dan jinkludi kotba fuq: storja, sport, religjon, letteratura, kultura u lingwa; tezijiet, gazzetti u rivisti fost ohrajn. Wiehed jista' jaghraf l-importanza ta' din is-sezzjoni ghal dak li hu wirt kulturali u tahrig akkademiku. Ghalkemm mhux dejjem possibbli, l-ghan taghna hu li nippruvaw nigbru dak kollu li hu ta' siwi ghall-iskop tal-Melitensia. Jigifieri li nghinu lill-istudenti u lir-ricerkaturi fl-istudju taghhom u fl-istess waqt nirrikonoxxu x-xoghlijiet ta' kittieba u ghaqdiet Maltin. Ghalhekk jekk ghandkom xi pubblikazzjonijiet li tahsbu li jistghu jghinuna fil-kawza taghna, gentilment nitolbukom biex tibghatulna lista taghhom, biex wara li nevalwawhom, inkunu nistghu nixtru l-materjal minn ghandkom. (stefan.bezzina@um.edu.mt)

  • L-Ewwel attività ma’ Kunsill Lokali mill-Kunsill Nazzjonali tal-Ktieb

  • Pubblikazzjoni tat-testi ta' sittalive fuq l-internet (2007). poeżiji ta' Norbert Bugeja, Antoine Cassar, Stephen Gatt, Ċali Grima, Albert Marshall, Kevin Saliba, Mario Vella, u Alex Vella Gera.

  • Bħalissa l-Kunsill Nazzjonali tal-Ktieb qed jiġbor lista tal-kotba kollha Maltin li hawn fis-suq Malti biex eventwalment jippubblikaha. Ikompli.

  • Ir-rivista letterarja elettronika The Drunken Boat (ISSN: 1530-7646) ibbażata fl-Istati Uniti ta' l-Amerika u mmexxija minn Rebecca Seiferle għadha kemm ippubblikat ħarġa speċjali dwar il-poeżija kontemporanja Maltija editjata minn Maria Grech Ganado. Din il-ħarġa speċjali (Fall/Winter 2007 Vol.7 Issues III-IV) fiha tliet artikli introduttivi ta' Maria Grech Ganado ("Contemporary Writing Scene in Malta "), Adrian Grima ("Maltese Literature — The New Writing") u Bernard Micallef ("Post-Independence Maltese Poetry — An Overview"), u għażla ta' poeżiji ta' Norbert Bugeja, Lino Buhagiar, Antoine Cassar, Priscilla Cassar, Claudia Gauci, Sergio Grech, Maria Grech Ganado, Adrian Grima, Ċali Grima, Simone Inguanez, Roderick Mallia, Immanuel Mifsud, u Abigail Zammit. Ħafna mill-poeżiji miktubin bil-Malti li ntgħażlu għal din il-pubblikazzjoni nqalbu għall-Ingliż minn Maria Grech Ganado. Ara The Drunken Boat.

  • L-organizzazzjoni kulturali volontarja Inizjamed għamlet għotja ta' Lm100 lill-Fond imwaqqaf apposta mill-familja ta' Dr. Ġorġ Mifsud-Chircop biex perjodikament issir taħdita fuq il-Folklor Malti. Individwi u organizzazzjonijiet li jixtiequ jikkontribwixxu għal dan il-fond jistgħu jibagħtu ċekk f'dan l-indirizz: Fond għat-Taħdita Ġorġ Mifsud-Chircop, L-Uffiċċju tal-Finanzi, L-Università ta' Malta. Ara www.inizjamed.org

  • Fetħu l-applikazzjonijiet, li jagħlqu fil-11 ta' Jannar, 2008. għal dawk li jixtiequ jagħmlu korsi tal-qari tal-provi fl-Università ta' Malta. Ara l-fuljett.

  • Nhar it-22 ta' Diċembru, 2007, tħabbar li "b'memorja ta' Dr. Ġorġ Mifsud-Chircop," martu Marlene, u wliedu Bérénice u Jerome, waqqfu Fond fi ħdan l-Università ta' Malta biex perjodikament issir taħdita fuq il-Folklor Malti. Min jixtieq jikkontribwixxi jista' jibgħat ċekk f'dan l-indirizz: Fond għat-Taħdita Ġorġ Mifsud-Chircop, L-Uffiċċju tal-Finanzi, L-Università ta' Malta. Ara din il-paġna.

  • Tħabbret il-mewt ta' Dr. Ġorġ Mifsud-Chircop, kittieb u studjuż ewlieni tal-kultura Maltija, speċjalment tal-lingwa, ta' l-għana u tal-letteratura miktuba u orali. Ara din il-paġna. Il-funeral se jsir nhar is-Sibt, 22 ta' Diċembru, 2007 fit-8.30 a.m fil-Knisja Parrokkjali tal-Mosta.

  • Tħabbret il-mewt fl-Awstralja fl-1.12.2007 ta' John Buttigieg, li kien jikteb il-poeżiji u jieħu sehem fl-attivitajiet tal-Maltese Literature Group. Kitbiet tiegħu dehru f'antoloġiji bħal Irjieħ u Frott Ieħor. Dehru numru ta' xogħlijiet ukoll fl-antoloġiji tal-Ħeġġa Letterarja, Għaqda Letterarja Maltija u l-Għaqda Poeti Maltin.

  • Tħabbru r-rebbieħa tal-Premju Nazzjonali tal-Ktieb 2007. Clare Azzopardi rebħet it-taqsima tal-proża letterarja bin-novelli Il-Linja l-Ħadra (Merlin Library) u Louis Briffa rebaħ it-taqsima tal-poeżija bil-ktieb Bil-Varloppa. Il-Linja l-Ħadra, iddisinjat minn Pierre Portelli, rebaħ ukoll it-taqsima ta' l-aħjar produzzjoni. Ara r-rebbieħa kollha.

  • Ħareġ ir-rumanz L-Istallett tal-Fidda ta' Anthony Cordina. F’din il-ġrajja wieħed jiltaqa’ ma’ kavallier żagħżugħ li jitlef għaqlu wara xebba Maltija, Isabella, bint in-nobbli Konti Federiku Xara. U għalkemm kien kavallier, u għalhekk marbut bil-voti ta’ l-ubbidjenza, il-fraternità u l-kastità, kien lest li jinża’ mill-Ordni biex jiżżewwiġha. Dan il-ktieb jinsab għall-bejgħ mingħand il-librara kollha bil-prezz ta’ Lm1.50 (€3.49).

  • Pubblikazzjoni ġdida: L-Għanja tal-Limerikki. Intaffu d-Dwejjaq ta' Maurice Mifsud Bonnici. Qari ħafif ta' limerikki mżewqa b'tgħawwir fl-immaġinazzjoni biex minnhom joħroġ l-umoriżmu fin ta' sitwazzjonijiet fittizji miġjuba għar-ridikolu bl-għodda ta' l-esaġerazzjoni biex jagħmlu l-qari tagħhom wieħed pja`evoli, ta' serħan il-moħħ u divertenti. Distibutur: Book Distributors Ltd (BDL) Tel. 21 380 351.

  • Il-Ġimgħa, 30 ta' Novembru, 2007. 8.00pm. MUSE Concept Store, 8, Triq Castro, in-Naxxar. Tnedija ta' Celibacy, l-ewwel rumanz tal-kittieb għall-palk Tyrone Grima. L-istorja tispjega l-vjaġġ ta' Fr Paul fi tfittxija għat-tifsira ta' ħajtu. Kollox jibda b'intervista dwar il-vot taċ-ċelibat li tagħmillu ġurnalista. Din l-intervista toħloq kontroversja sħiħa. Permezz ta' din l-intervista Fr Paul jiltaqa' ma' għadd ta' nies. Xi wħud minnhom jgħinuh fil-vjaġġ filwaqt li oħrajn ikunu ta' xkiel. Fl-aħħar mill-aħħar Fr Paul jintebaħ li hu biss jista' jwieġeb il-mitt mistoqsija li qed tberren f'rasu. Pubblikazzjoni: Printwell
  • Festa ta’ Qari. Poeżijaplus li jmiss ser issir nhar it-Tnejn is-26 ta’ Novembru, 2007, fis-7.30 p.m. Il-Bitħa tat-Teatru Manoel. Il-pubbliku ser ikollu l-opportunita’ li jisma’ għadd ta’ kitbiet ġodda. Rachel Gruppetta ser taqra "Iż-Żokkra ta’ Sefora" miktuba minn Mario Azzopardi. Joe Friggieri ser jaqra storja oħra tar-Ronnie. Trevor Żahra ser jaqra silta minn Sepja. Charles Casha ser jaqra avventura ġdida ta’ Fra Mudest u silta mill-ktieb Mill-Gallarija. Francis Galea ser jaqra silta mill-bijografija l-ġdida tiegħu ta’ Ġwann Mamo. Achille Mizzi ser jippreżenta numru ta’ poeżiji ġodda minn Eklissi Perpetwi. Vincent Vella ser jaqra novella minn Ħadd wara Ħadd. Lina Brockdorff se taqra minn Il-Bieb Nru. 11 u stejjer oħra. Simone Inguanez ser tippreżenta numru ta’ versi ġodda Jieħdu sehem ukoll Charles Mifsud u Donavan Gatt. Mużika: Vince Fabri u Walter Micallef. Dħul b’xejn.
  • Lina Brockdorff u Charles Casha se jkunu għand Sapienza tal-Kotba fi Triq ir-Repubblika, il-Belt Valletta, nhar is-Sibt l-1 ta’ Diċembru, 2007, bejn l-10.00 Am u 12.00 P.M. biex jiltaqgħu mal-qarrejja u jiffirmaw kopji tal-kotba tagħhom, Il-Bieb Nru. 11 u stejjer oħra u Mill-Gallarija.
  • It-Tlieta u Għoxrin Edizzjoni tal-Fiera tal-Ktieb (2007) - organizzata mill-Kunsill Nazzjonali tal-Ktieb
  • Il-Fiera tal-Ktieb 2007 ser issir bejn l-14 u t-18 ta’ Novembru 2007 f’Dar il-Mediterran il-Belt Valletta. Il-fiera hija organizzata mill-Kunsill Nazzjonali tal-Ktieb u d-Dipartiment tal-Libreriji. Din is-sena ser jitniedu sitt kotba ġodda. Għat-tfal ser ikun hemm qari minn Amanda Ciappara, Miriam Dalli, u Joe Debono. Barra minn hekk, se jsir festival tal-poezija bis-sehem ta’ poeti minn ġenerazzjonijiet differenti. ARA l-programm sħiħ.
  • Festival tal-Poezija Maltija f'Dar il-Mediterran waqt il-Fiera tal-Ktieb. L-Erbgħa 14 ta’ Novembru, 2007, mill-5.15pm sad-8.45pm. Jieħdu sehem: Mario Azzopardi, Louis Briffa, John Buttigieg, Joseph Buttigieg, Vince Fabri, Victor Fenech, Joe Friggieri, Claudia Gauci, Maria Grech Ganado, Adrian Grima, Walter Micallef, Ġorġ Peresso, Karl Schembri, u Trevor Żahra.
  • Il-Ħamis 15 ta’ Novembru, 2007. 18.30 Tnedija mill-P.E.G. Ltd tal-ktieb L-Onorevoli ta’ Lino Spiteri.
  • Il-Ħamis 15 ta’ Novembru, 2007. 19.45 Tnedija minn Klabb Kotba Maltin tal-ktieb Mill-Gallarija ta’ Charles Casha u Il-Bieb Numru Ħdax u Novelli Oħra ta’ Lina Brockdorff.
  • Il-Ġimgħa 16 ta' Novembru, 2007. Sala Temi Zammit, Dar il-Mediterran, waqt il-Fiera tal-Ktieb, 6.00 p.m. Tnedija ta' Meta l-Ħarifa Tiskot, rumanz Ġorġ Peresso. Pubblikazzjoni Horizons. "ll-ħarifa tinsab fl-aħjar tagħha: Borża ta' San Martin tfuħ. U weraq jaqgħu u oħrajn jinbtu. U xita. U 1-art tistejqer. U issa r-rumanz..."
  • Il-Ġimgħa 16 ta' Novembru, 2007. Sala Temi Zammit, 19.30 Tnedija minn Allied Press tal-ktieb Travelling Between Shadows ta’ Dr Charles Briffa.
  • Id-dramm Caravaggio: L-Inkjesta ta' Joe Friggieri, Fit-Teatru ta' Ħal Għargħur. Is-Sibt 17 ta' Novembru fis-7.30pm u l-Ħadd 16 ta' Novembru fis-6.30pm. Imtella' minn Dwal Ġodda.
  • Is-Sibt 17 ta’ Novembru, 2007. 10.00 Merlin Library Ltd ser ilaqqa’ lill-pubbliku mal-kittieb għat-tfal Jeremy Strong.
  • Il-Ħadd 18 ta’ Novembru, 2007. 18.00. Tnedija mill-Klabb Kotba Maltin tal-ktieb ta’ poeżiji Eklissi Perpetwi ta' Achille Mizzi.

  • Il-Ħadd 18 ta’ Novembru, 2007. 19.30 Tnedija mill-P.E.G Ltd tal-ktieb Ġużè Bonnici – In-Novelli maħruġ mill-Għaqda tal-Malti - Università

  • Tnedija tal-websajt tal-KNK - www.ktieb.org.mt
  • F'dan is-sit elettroniku ssib il-Bibbja bil-Malti.
  • F'Lulju ta' l-2007 il-Kungress tal-Kittieba Ewropej xandar studju interessanti ħafna dwar is-suq tal-kotba fl-Ewropa. Issibuh hawnhekk.
  • Il-Bieb Nru. 11 u stejjer oħra - Ktieb ġdid ta' Lina Brockdorff (KKM: 215, 2007) 161 pp. “Lina Brockdorff hi waħda mill-ftit li għamlu min-novella wieħed mill-isbaħ ġeneri fil-letteratura Maltija. Lina tingħaraf mill-iċken dettall li hi pittriċi ta’ ruħ il-bniedem. Mhix ir-ritrattista ta’ karattri li ma jeżistux.” Għal aktar tagħrif ikkuntattja lill-KKM.
  • Mill-Gallarija, ġabra ta' novelli - ktieb ġdid ta’ Charles Casha (KKM 2007) 152 pp.
    Charles Casha jirrakkonta ġrajjiet dwar karattri li hu jiftakar fi tfulitu u f’żgħożitu. Imma bħalma għamel fiż-żewġ kotba ta’ qabel Minn Tarf sa Tarf tat-Triq u Minn Fuq l-Għatba, huwa jsawwar dawn l-istejjer b’doża qawwija ta’ immaġinazzjoni. L-ambjent li fih iseħħu dawn l-istejjer huwa dak li fih trabba u k iber l-awtur. Huwa ambjent fejn ir-raħal huwa dinja ċkejkna, in-nies jilħqu salib xulxin u fejn għadd ta’ karattri jispikkaw fuq l-oħrajn.
    Dawn huma stejjer li għandhom iġibu nostalġija lil min jiftakar il-ħamsinijiet u s-sittinijiet filwaqt li juru dinja differenti lil min ma kienx għadu twieled f’dawk is-snin. Dawn ir-rakkonti mhumiex bijografija ta’ l-awtur. Huma biss tifkiriet moħbija fi stejjer li l-awtur ħoloq b’ambjent u b’karattri li jiftakar meta kien għadu ma rifisx l-għatba ta’ l-irġulija. www.charlescasha.com
  • L-Awtriċi Maltija-Awstraljana Dr. Lou Drofenik se tagħmel taħdita bl-Ingliż dwar il-kitba tagħha bħala emigranta Maltija fl-Awstralja nhar il-Ġimgħa, 26 ta' Ottubru, 2007, fis-7.00pm, f'Sala C fiċ-Ċentru tal-Konferenzi Mikiel Anton Vassalli fid-daħla l-ġdida ta' l-Università ta' Malta. It-taħdita tagħha jisimha "A Moment of Rebellion. Writing Fiction from an Immigrant Perspective." Jintroduċi u jmexxi d-diskussjoni Dr. Adrian Grima. Din it-taħdita qed tiġi organizzata mid-Dipartiment tal-Malti ta' l-Università. Kulħadd huwa mistieden. Dħul b'xejn. Ara wkoll www.birdsofpassage.com.au
  • Ser issir tnedija prinċipali tal-ktieb għat-tfal Il-Fanal tas-Sinjur ta' Ivan De Battista għat-tfal, iż-żgħażagħ u anki  adulti nhar il-Ħadd, 11 ta' Novembru, mis-2.30pm 'il quddiem, fl-Agenda BookShop tal-Valletta Waterfront. Se jinqraw siltiet minn atturi żgħażagħ u tim ta' animaturi se jallegra lin-nies preżenti.
  • JITFAKKAR IL-POETA NAZZJONALI DUN KARM nhar il-Ħamis 18 ta’ Ottubru, 2007.
  • Din is-sena l-għoti tal-Premju Nazzjonali tal-Ktieb se jsir fil-Berġa ta’ Kastilja fid-29 ta’ Novembru, 2007.
  • Festival Mediterranju tal-Letteratura - 29-30 ta' Settembru, 8.00pm. Organizzat minn Inizjamed bħala parti mill-proġett Literature Across Frontiers. Bis-sehem ta' Clare Azzopardi, Alexandra Büchler, Antoine Cassar, Fatena el-Ghorra (Gaza, Palestina), Maria Grech Ganado, Adrian Grima, Biel Mesquida (Katalonja), Immanuel Mifsud, Walid Nabhan, Samira Negrouche (Alġerija), iz-Zizza Ensemble, u oħrajn. Aktar dettalji.
  • Poezijaplus li jmiss ser issir nhar is-27.08.2007 fis-7.30pm fil-Cafe Deux Baronnes, il-Belt. Qed nistednukom biex tiġu taqraw xogħlijiet tagħkom dwar is-smewwiet, l-istilel, il-qamar, il-pjaneti, l-univers u l-kumplament. L-attività qed tittella' flimkien mas-Socjetà Astronomika.
  • Laboratorju Internazzjonali tat-Traduzzjoni - 24-28 ta' Settembru. Laboratorju residenzjali għal 12-il kittieb u kittieba minn għadd ta' pajjiżi mmexxi minn Inizjamed bħala parti mill-proġett Literature Across Frontiers. Jieħdu sehem: Clare Azzopardi, Alexandra Büchler, Antoine Cassar, Fatena El-Ghoury (Gaza, Palestina), Adrian Grima, Biel Mesquida (Katalonja), Walid Nabhan, Samira Negrouche (Alġerija). Aktar dettalji.
  • Parteċipanti fil-Premju Nazzjonali tal-Ktieb 2006 (Awwissu 2007)
  • Il-poeti Ħamdi Żidan u Adrian Grima fil-bitħa tal-Berġa ta' l-Italja. Nhar il-Ħamis, 9 ta' Awwissu, fid-9.00pm, fil-bitħa tal-Berġa ta' l-Italja, fi Triq il-Merkanti l-Belt Valletta (Ministeru tat-Turiżmu u l-Kultura). Dħul b'xejn. Il-poeta minn Lixandra Ħamdi Żejdan u l-poeta Malti Adrian Grima se jaqraw ix-xogħol tagħhom flimkien f'lejla li fiha se jiltaqgħu żewġ tradizzjonijiet letterarji, żewġ lingwi simili, żewġ poeti li sikwit jiktbu dwar dak li jgħaddu minnu bnedmin oħra. Aktar tagħrif.
  • Bi pjaċir nistiednuk għat-tnedija tal-ktieb ġdid ta' poeżiji Ħbula Stirati. It-tnedija se ssir nhar is-Sibt, 21 ta' Lulju, fis-7.00 pm, fil-Ġnien tal-Milorda (Sa Maison Gardens), il-Furjana. Għal iżjed tagħrif tista' żżur il-websajt www.hbulastirati.info, fejn tista' taqra u tisma' xi siltiet magħżula li jidhru fil-ktieb. Nissuġġerixxu li tuża l-brawżer Mozilla Firefox.
  • Niżżel il-ktejbe tal-poeżiji, Tibża' Xejn Jekk Tibda x-Xita b'xejn mill-websajt ta' Edizzjoni Skarta.
  • Is-7 ta’ Lulju 2007, fis-7.15 pm. L-AKKADEMJA TAL-MALTI u L-MINISTERU GĦAL GĦAWDEX jistiednu lill-pubbliku għal LEJLA MUŻIKO-LETTERARJA fil-Ministeru għal Għawdex, Pjazza San Franġisk, ir-Rabat, Għawdex.
  • Il-Ħadd, 8 ta' Lulju, fl-Atriju Vassalli, l-Universita ta' Malta. L-ewwel kuncert kbir wara t-tnedija ta' l-album Ħamsin minn Walter Micallef u l-Ħbieb. Aktar dettalji jinsabu hawn. Walter Micallef se jippreżenta wkoll għadd ta' kanzunetti ġodda.
  • TISLIMA LILL-BUDAJ. Il-Ġimgħa, 6 ta’ Lulju 2007, fil-ġnien ta’ wara l-knisja medjevali ta’ San Girgor, fiż-Żejtun, mit-8 ta’ filgħaxija. Lejla f’ġieħ Frans Baldacchino, Il-Budaj. Jieħdu sehem għadd ta’ għannejja fosthom: Żeppi Spagnol Il-Kelba b’għana tal-fatt; Fredu Abela ż-Żejtuni u sħabu; Ċensu l-Bukku u ommu Fidiela Carabott; Dominic Azzopardi u Mattia Curmi b’“Tisimgħu Tissaħħar;” u kantanti magħrufa fosthom: Walter Micallef, Marisa D’Amato, Michael Fenech, Tarcisio Barbara, Maria Muscat ‘La Barrokka’, Graziana Axisa u The Jackson Pipe Band li se jibdew fit-8 bumm. Dħul bla ħlas. Ejjew għal din is-serata ta’ għana u kant Malti f’ambjent Żejtuni.
  • Tibża' Xejn Jekk Tibda x-Xita (Edizzjoni Skarta, Ġunju 2007). Ed. Adrian Grima. Poeżiji dwar it-tfal u l-ġustizzja ta' Mario Cardona, Adrian Grima, Simone Inguanez, Immanuel Mifsud, u Walid Nabhan. Daħla ta' Adrian Grima dwar il-ħaddiema tfal. Ippreżentat għall-ewwel darba fil-WorldFest, nhar il-Ħadd, 24 ta' Ġunju, fil-Barrakka ta' Fuq.
  • Nhar il-Ħadd, 24 ta' Ġunju. WorldFest - Festival tal-Kummerċ Ġust fil-Barrakka ta' Fuq, 10.00am - 10.00pm. Dħul b'xejn għall-attivitajiet kollha. 8.00pm - 10.00pm: Poeżija bil-Malti waqt il-kunċert Made in Fair Trade. Jieħdu sehem Simon Vella (vjolin), Walter Micallef (kantawtur), Zizza Ensemble (mużika) mal-poeta Adrian Grima, u l-poeti Mario Cardona, Simone Inguanez, Immanuel Mifsud, u Walid Nabhan. www.l-arka.org għad-dettalji kollha.

  • Poeżijaplus tiċċelebra Jum il-Mużika - Nhar il-Ħamis 21 ta' Ġunju, Poeżijaplus ser tingħaqad ma' l-Ambaxxata Franċiża biex tiċċelebra Jum il-Mużika. L-attività ser issir fis-Sala Isouard tat-Teatru Manoel fid-7.30 p.m. Għal din l-attività, barra l-poeżija, ser ikun hemm programm varjat mużikali minn: Silvio Zammit fuq il-flawt, akkumpanjat fuq il-pjanu minn Ramona Zammit Formosa, is-sopran Louiselle Pace Gouder, il-pjanista Andrew Bugeja, il-jazzista Kris Spiteri, u l-kantawtur Vince Fabri. Ser jingħaqdu magħhom Alex Spiteri Gingell u Annabelle Galea. Id-dħul huwa b'xejn.

  • VALLETTA CREATIVE FORUM. New Frontiers in Contemporary Culture. The fourth and last forum, "Cultural Diplomacy: Endorsing Identity and Celebrating Diversity," will take place on June 23. The Forum will be held at St James Cavalier, from 9.30am to 3.30 pm is free of charge and includes lunch. Registration is open via email on euproject@sjcav.org.
  • Tista' tisma' r-rikording ta' l-attività ta' Poezijaplus tat-Tnejn, 28 ta’ Mejju, 2007, li fiha tfakkar Dun Ġorġ Preca fuq www.poezijaplus.com/XiJmiss.html. F'din l-attività inqraw xogħlijiet tiegħu, instemgħet silta rrekordjata minn diskors li għamel Dun Ġorġ ħamsin sena ilu, u ġew intervistati nies li kienu jafuh. Ħa sehem ukoll grupp mużikali ta' żgħażagħ mis-Socjetà tal-Museum.
  • Nhar il-Ġimgħa, 25 ta' Mejju fis-7.30 p.m fit-teatru tal-Kavallier ta' San Ġakbu s e jitnieda SEPJA, ktieb ta' novelli għall-kbar li jkompli fejn ħallew LUBIEN u PROVENZ. Il-programm jinkludi qari drammatizzat minn Joseph Galea u Marcelle Teuma kif ukoll analiżi u intervista ma' l-awtur minn George Peresso. Il-pubbliku huwa mistieden.
  • Is-Sibt, 26 ta’ Mejju fil-Lukanda Coastline, il-Bajja tas-Salini, bejn id-09.00 u s-13.00. Seminar mill-Kunsill Nazzjonali tal-Ktieb. Ara r-rapport. Din is-sena wkoll il-Kunsill Nazzjonali tal-Ktieb ħaseb li jorganizza seminar ieħor li matulu se jlaqqa’ l-kittieba, lill-pubblikaturi, lill-edukaturi, lil-librara, lill-membri tal-pubbliku u lil dawk kollha li jħobbu l-ktieb biex jiddiskutu flimkien il-problemi li qed insibu fil-kamp lokali biex nippubblikaw il-kotba. Ikun ukoll ta’ follow up għas-Seminar dwar il-kotba tal-poeżija li sar is-sena l-oħra. Is-seminar huwa importanti għax jgħin lill-KNK biex jifformula l-politika tiegħu fejn tidħol il-pubblikazzjoni tal-ktieb. Hija x-xewqa tal-KNK, kif diġà ta provi, li ma jkunx biss l-organizzatur tal-Fiera tal-Ktieb imma jmexxi proġetti kbar biex id-dinja tal-ktieb tistagħna lokalment. Il-parteċipanti huma mitluba jinkitbu għal dan is-seminar billi jiktbu lil sergiogrech@yahoo.com malajr kemm jista’ jkun. M’hemm l-ebda ħlas għar-reġistrazzjoni. Dan is-seminar qed ikun sponsorjat mill-Klabb Kotba Maltin li din id-darba wkoll, bħal bosta drabi fil-passat, qed jagħti xhieda li jemmen fil-ktieb Malti. (Sergio Grech)
  • Poeżijaplus, flimkien mas-Soċjetà tad-Duttrina Nisranija, M.U.S.E.U.M., se tfakkar lil Dun Ġorġ Preca nhar it-Tnejn 28 ta’ Mejju 2007, f'Sala Isouard fit-Teatru Manoel, fis-7.00 pm. Ser jinqraw xogħlijiet tiegħu, tinstema’ silta rrekordjata minn diskors
    li għamel ħamsin sena ilu, u ser jiġu intervistati nies li kienu jafuh. Jieħu sheem ukoll grupp mużikali żagħżugħ mis-Soċjetà tal-Museum.
  • Home and Away. Il-Forn, il-Birgu - L-Erbgħa 23 ta' Mejju fis-7.30pm. Siegħa ta' letteratura minn Malta u l-Italja qabel il-finali taċ-Champions League. Jaqraw: Clare Azzopardi (proża), Valerio Cruciani (proża u poeżija), Adrian Grima (poeżija). Il-Forn huwa  viċin tal-pjazza ewlenija tal-Birgu. Dħul b'xejn.
  • Festival Meditteranju fil-Għargħur nhar il-Erbgħa 6 ta' Ġunju, 2007 uf l-Argotti nhar is-Sibt u l-Ħadd 9 u 10 ta' Ġunju. Organizzat mill-Kummissjoni Nazzjonali Folklor, il-Kunsill Malti għall-Kultura u l-Arti u l-Ministeru għat-Turiżmu u l-Kultura. Festival ta' għana Malti, żfin folkloristiku, parteċipazzjoni ta' gruppi folklorsitiċi minn Sqallija, il-Ġermanja u Spanja, u esibizzjonijiet tradizzjonali Maltin. Id-dħul għall-festival hu b'xejn.
  • Għarfien ġdid fuq Agius de Soldanis. Konferenza organizzata mid-Dipartiment tal-Malti ta' l-Università. L-Erbgħa, 16 ta' Mejju 2007 fis-6.30pm, fis-Sala Serracino Inglott, l-Università.
  • Il-Ħamis, 24 ta’ Mejju u s-Sibt, 26 ta’ Mejju. Il-Wegħda opra f’żewġ atti ta’ Joe Friggieri, mużika ta’ Mro Charles Camilleri. Producer: Joe Friggieri.
  • Tnedija ta' Il-Kitba Kreattiva, ta' Trevor Żahra nhar is-Sibt 31 ta' Marzu fil-Kavallier ta' San Ġakbu. Titwila lejn il-mekkaniżmi tal-kitba kreattiva u ideat siewja għal kulmin iħoss is-sejħa tal-kitba.
  • Fil-21 ta' Marzu 2007 ħarġet l-ewwel edizzjoni ta' Dieser verwundete Frühling - Dir-Rebbiegħa Midruba (Edizzjoni Skarta), sittax-il poeżija bil-Malti ta' Adrian Grima tradotti għall-Ġermaniż minn Dr. Ray Fabri u Dominik Kalweit. Id-disinn tal-qoxra ta' Pierre Portelli.

  • O Għatx Imkebbes Fjamma. Ktieb ġdid ta’ poeżiji ta’ Joe P. Galea. Din il-ġabra ta’ poeżiji terġa’ tikkonferma lil Galea bħala wieħed mill-poeti ewlenin lokali ta’ żminijietna. Il-poeżija tiegħu tinfilsa sew fit-tradizzjoni ta’ letteratura reliġjuża, il-metru regulari huwa mħaddem tajjeb ħafna u jasal jesterna l-ansjetajiet, l-hena u x-xewqat tal-poeta bl-iżjed mod ċar u medjatiku. Il-mottiv tax-xogħlijiet ta’ Galea għandhom minn talba u stennija fl-istess ħin. Xi drabi is-sens ta’ distakk jisfuma fi djalogu bejn żewġ maħbubin li donnhom draw jilagħbu logħba li donnu ħadd ma jista’ (jew irid) jirbaħ jew jitlef. Il-ktieb jista’ jinxtara mill-ħwienet tal-PEG.

  • Il-Kunsill Nazzjonali tal-Ktieb jistieden lill-awturi u lill-pubblikaturi biex jissottomettu l-kotba tagħhom li ħarġu fl-2006 għall-edizzjoni ta’ din is-sena tal-
    Premju Nazzjonali tal-Ktieb. Id-data taċ-ċerimonja titħabbar iktar ’il quddiem. Mal-kotba għandha timtela formola apposta li tinkiseb mingħand is-Segretarju tal-KNK. Il-parteċipanti huma mistennija li jaqraw ir-regolamenti li jmexxu dan il-premju.
    B’kollox jitqassmu LM10,000 fi premjijiet. Dan hu l-uniku premju tax-xorta tiegħu f’Malta u għalhekk il-prestiġju tiegħu huwa kbir. Dettalji kollha hawnhekk.
  • Ħarġet l-Ittraħbar ta' l-Għaqda tal-Malti (Università) - Frar 2007. Ara www.ghaqdatalmalti.org.
  • GĦAQDA LETTERARJA MALTIJA - LAQGĦA ĠENERALI. Nhar il-25 TA' APRIL 2007 fis-6.00 pm fis-sala tal-Kunsill Nazzjonali taż-Żgħażagħ, 36, Triq Iz-Zekka, Il-Belt.
  • L-attivitajiet ta' Jum il-Ktieb 2007 fil-Kavallier ta' San Ġakbu. Ara l-programm.
  • Poeżija Plus – Nhar it-Tnejn 30 ta’ April, 2007, fil-bitħa tat-Teatru Manoel. Poeżija Plus tistieden lill-awturi kollha li taw sehemhom fil-letteratura għat-tfal sabiex jitkellmu dwar xi karattru jew karattri li ħolqu huma fil-kitbiet tagħhom.
    Min jixtieq jista’ jaqra xi silta minn xi storja jew kitba oħra li għandha x’taqsam ma’ dawn il-karattri. Billi din is-sena Fra Mudest, (karattru maħluq minn Charles Casha) jagħlaq erbgħin sena minn mindu deher għall-ewwel darba fiċ-CHILDREN’S OWN, se jkun hemm ukoll intervista qasira ma’ l-awtur. Is-Sur Terence Portelli se jagħmel taħdita qasira dwar kotba fil-letteratura għat-tfal. Din hija opportunita` sabiħa sabiex l-awturi li kitbu għat-tfal jiltaqgħu flimkien u jaqsmu l-esperjenzi tagħhom.
    Kull min jixtieq jattendi u jieħu sehem huwa ġentilment mitlub biex jinformana billi jibgħat email lil charles.casha@gmail.com jew billi ċċempel 9982 7179.